宗像屋 (已結業)

之前睇电视介绍又咁arm落深水埗买野就同朋友去试下系咪好似电视节目主持人讲到咁好味，我地大概7点几去到都见有人龙十零人，排到咁上下，个服务员就出黎派餐牌同问人数。餐牌上面只系得四个海鲜丼拣，佢地系梅，竹，松同埋特上，价钱就分别系108，148，198，同埋298，全部都已经包左前菜，丼饭，紫菜，同埋茶渍汤。而我地就拣左个梅同特上。大概等左40分钟就可以入去，坐低冇耐就有2片油廿鱼刺身伴住d胡麻酱汁既前菜上喇。我觉得只系食到d胡麻酱汁既味道，不过可能咁食可以令你开胃d去食丼饭挂。之后个主角特上同梅加d紫菜就上喇。两个海鲜丼既卖相都唔错，由于佢有三种食法，我地都跟足佢既食法黎食。食法都有教学牌提示架，唔会唔识食。讲番个丼饭，d刺身已经切到细细粒，系唔会食到佢有几新鲜，而d饭就新鲜滚热辣到我怕会搞到d刺身都熟埋。个特上海鲜丼既海胆我觉得系ok嘅。之后我用紫菜包黎食，我觉得个片紫菜太淋，所以个手卷就真系一般。最后食法加个汤，食个茶渍汤饭，我就觉得个汤嘅味道都甜既，食落去冇我想像中咁古怪，味道系ok既，咪好似食泡饭咁。不过我就对呢种食法麻麻地因为觉得晒左d刺身咁。总括嚟讲我觉得餐饭一般啦，唔驶刻