影片
更多
2015-01-19
3446 浏览
礼拜日喇，朝早洗完晾完衫就出门口喇~ 今日约咗表弟表妹出去睇戏，感觉上佢地放假冇野搞一系喺屋企附近流连，再黎就已经习惯性去将军澳了（记得上次同佢地睇戏都系去将军澳）我又冇所谓wo，反正我好少去𠮶边，对我黎讲几新鲜吖 睇完戏大概一点了，我又冇食早餐，虽然话睇戏嘅时候食咗啲爆谷饮咗啲汽水，但系时候食午饭了，去边度食好呢~ 哩边对我黎讲系个陌生嘅地方，咁就随便揾啦，不知不觉就黎咗哩间【牛摩】火锅店嘅门口了，自助火锅wo，有人对哩间店几有兴趣，我就有啲犹疑喇，任食wo，我自己知自己事，一定会追饭食的（肉都一样），又想食又怕肥，已经唔系18廿二了，点减呀，肥硬啦，哈哈~~~ 喺门口犹疑咗一阵，饿了，唔想周围再揾了，问问门口侍应妹妹一啲资料后，就决定入去了 侍应妹妹带咗我地入去最角落嘅位置坐底，地方几干净吖，白色台面上有两个黑色电磁炉，间食店嘅大名清楚咁印（?）喺电磁炉上面，非常醒目，加上和风木板墙同造型独特嘅吊灯，感觉几舒服吖~ 坐低后首先要决定嘅系食边只牛肉，经过商量之后就决定要最基本嘅任食【美国肥牛】吧 然后就要决定要咩汤底了，表妹想要【长崎猪骨浓汤】，表弟就对期间限定嘅【日式芝士咖喱汤底】
侍应妹妹带咗我地入去最角落嘅位置坐底，地方几干净吖，白色台面上有两个黑色电磁炉，间食店嘅大名清楚咁印（?）喺电磁炉上面，非常醒目，加上和风木板墙同造型独特嘅吊灯，感觉几舒服吖~
坐低后首先要决定嘅系食边只牛肉，经过商量之后就决定要最基本嘅任食【美国肥牛】吧 然后就要决定要咩汤底了，表妹想要【长崎猪骨浓汤】，表弟就对期间限定嘅【日式芝士咖喱汤底】有兴趣，眼前有两个电磁炉，我地3个人，就两种各一啦，几简单
等汤底嘅同时间我地就已经急不及待咁出去攞配料喇，首先见到嘅系火锅用乌冬同拉面，分别装咗喺啲细碟度，几方便吖~ 值得一提嘅系哩个拉面几耐煮的，唔觉意煮耐咗口感都可以接受
再行过去就见到一堆配料喇，有几种菜，有粉丝，莲藕，芽菜，金针菇，几款火锅丸类，老实讲选择其实唔系好多，味道亦唔系好特别，值得一提嘅系有一只火锅丸入面有芋头的，系比较特别嘅一种。
再过去就有两个两种饭可以选择，一样系白饭，另一样系【和牛炒饭】，炒饭味道还可以，唔系话好特别，表弟话咸咗啲，对我黎讲就啱啱好，反正小弟食咗3小碗，我爱炒饭呢~ 哈哈 饭嘅旁边仲放咗一兜咖喱汁，我攞咗啲黎捞饭食，味道冇乜特别，唔想花太多时间去写了。。。转角位就系调味料喇，辣椒，麻油，炸蒜，辣萝卜，葱花，香菜，酱油，柚子醋，摆得几干净方便吖。。。
返到位牛肉同猪肉已经上咗台了，都切得薄薄的，最适合就系俾啲好少落厨嘅年轻人煮架喇，想唔熟都难，味道就正常程度啰。。。
今次点嘅系肥牛，第一盆肉比较多，食落都好新鲜，哩个价钱黎讲可以接受了，每次追加大概要等5分钟左右吧，我地追加咗6盆吧，有时候都会有比较肥嘅情况发生嘅 就好似下面黎几片咁~
鸡肉系要另外叫的，唔知点解，不过就叫盆试试啦，鸡嘅口感还可以，但老实讲就真系食唔出咩鸡味喇，但最近都好少食到真系有鸡味嘅鸡，好奇怪。。。
喺最角落𠮶边有乳酪雪糕，仲有几样脆脆脆粒配料可以自己放，味道一般啦，冇乜特别，不过我相信小朋友会几中意。。。。另外啤酒，汽水，绿茶，红茶，玄米茶等等等等当然亦系随便你饮架啦~ 啊，我留意到角落有寿司嘅牌喺度，但冇见到有寿司，上openrice睇返发现晚饭时段先有得供应的。。。
埋单98加一，价钱合理啦，冇咩特别，又冇咩投诉嘅一餐，每人送优惠卷一张，下次送咩就自己睇吧，个字我唔识打
张贴
