影片
更多
2009-04-21
10 浏览
今晚因为同老公入T2睇戏,所以专登走左入黎,但又唔想系机场食野,所以最后决定去左呢间,好耐之前系奥海城试过此分店,不过印象都系麻麻,谂住咁多年嘞,再试下喇,6:15去到人唔算多,得4-5枱人,我地坐底就有侍应问我地要咩茶,都系个D咩龙井,铁观音之类,我地都唔钟意饮茶既,问佢可否不要,侍应话可以唔要茶,不过要叫野饮,结果我地叫左豆浆,仲要系得冻豆浆,系无热既,同预期一样,无乜豆浆味~今晚叫左3样野包括:小笼包~皮都算薄,肉都OK,油味比较重担担面(小辣)~都好辣,麻酱唔多,汤唔杰,份量都OK炸银丝卷~炸到啱啱好,不过入面既面包条好散,当你咬开第一啖之后就散哂,要一条一条咁食,之前都好少食到D咁既情况,唔知点解会咁呢?不过都OK既,佢仲跟埋练奶比你添高力豆沙~超甜,出面好多都系用糖粉,但系呢度真系用糖,仲有佢既豆沙好大旧,所以甜上加甜,甜到我顶唔顺,结果无食到D豆沙!食完成餐饭都无乜深印象边个好食,净系觉得咁就食左一餐,不过下次又未必会再试!
小笼包~皮都算薄,肉都OK,油味比较重
担担面(小辣)~都好辣,麻酱唔多,汤唔杰,份量都OK
炸银丝卷~炸到啱啱好,不过入面既面包条好散,当你咬开第一啖之后就散哂,要一条一条咁食,之前都好少食到D咁既情况,唔知点解会咁呢?不过都OK既,佢仲跟埋练奶比你添
高力豆沙~超甜,出面好多都系用糖粉,但系呢度真系用糖,仲有佢既豆沙好大旧,所以甜上加甜,甜到我顶唔顺,结果无食到D豆沙!
食完成餐饭都无乜深印象边个好食,净系觉得咁就食左一餐,不过下次又未必会再试!
张贴