英記油渣麵

营业中

休息中

英记油渣面系我想去既食店list内已经一段时间，因为佢开店既时间及地点，所以迟迟都未有决心去试。难得收工去左旺角行街，就行远少少去埋大角咀试下！一入到店内，果然同食评写既一样，都未坐低就俾人问要大定要细，由于第一次黎其实餐牌上有咩都未了解，就先叫左两碗细油渣面，之后再加鸡翼及芝士肠，同埋腐乳通菜。细碗油渣面睇落份量好小，但其实食埋小食都够饱，虽然无想像中咁好食，但系比起我系外面食过既油渣面，呢到既味道算系唔错鸡翼同芝士肠味道正常，$1/1条既芝士肠真系好抵食，另外腐乳通菜唔记得左照相，但系佢个腐乳酱好好味，唔会得个咸味。整体上味道系唔错，但系唔会再特登走黎食，除非咁岩经过。