牛奶冰室 (御海灣商場)

营业中

休息中

黑松露汁鸳鸯扒焗饭 $62拣左炒饭底，干身得嚟有啲蛋香，口感唔错。黑松露𠮶种香气真系好顶瘾， 又香又吸引，估唔到配落焗饭度都几夹。芝士都畀得足，系可以拉丝嘅。普通茶餐厅猪扒、鸡扒，整体感觉几好食。咖哩牛坑腩饭 $63牛腩俾得都几多，入口都交软淋，好好咬，牙力冇咁大嘅都唔怕。咖哩辣辣地，对我嚟讲啱啱好，而且香味够浓，配饭食一流。但系个饭比较湿身，感觉落得太多水，口感唔系咁好。牛乳草莓 $12加配咗个特色饮食品，牛奶用嚟解解辣都唔错，少量果肉，味道偏甜，就系价钱略贵。