悅木 (已結業)

去开湾仔。周围行睇下有咩食。食得太多西餐所以想食下亚洲菜。见到呢间悦木，朋友话老赵好出名，咁就试下呢间。四个人可以叫多d 野食。拼盘有d 油。搞笑地系无俾碟仔我地用黎点鱼露。个扎肉几好，略嫌薄左少少。马拉盏通菜！正常！但当我地问有乜菜可以马拉盏炒既时候，佢话西兰花，我吓左一跳！到底系我见识单薄，定话佢用既菜比较奇怪。因为我多数只听过系椰菜苗同通菜。蒜蓉包够脆。用黎点咖哩就最正！多就多咖哩汁喇！但羊架就得两旧。大虾青木瓜沙律。青木瓜好爽甜。中虾嗅到好香既烧烤味。侍应叫我地一定要点汁食。但我同朋友都觉得个汁似生虾刺身既汁，同呢个沙律唔夹！好彩无倒落个沙律度。本来有谂过试下佢个榴莲黑白糯米饭，但最终都系觉得太奇怪无叫到。