天澄閣中菜廳

营业中

休息中

今晚有朋友结婚，喺呢一间位于酒店嘅中菜厅摆酒， 未讲嘢食之前先讲下佢个位置， 实在系太太太搞笑啦， 喺红磡火车站出口出咗嚟之后兜来兜去，足足行咗十几分钟先到，唔容易揾。 野食其实好麻麻， 个乳猪肥膏多过皮同肉， 稍为好少少嘅系个蟹钳，因为炸到金黄色几靓， 但系其实都食得出入面有好多粉，酱汁亦无供应。 另外个燕窝呢 ，太淡喇， 燕窝嘅份量都几多，但系就食得出唔系靓嘅燕窝。 要赞嘅系炸子鸡， 除咗又系炸到金黄色，卖相好之外，佢系非常之嫩滑，鸡胸都好嫩滑， 另外，我要赞嘅系红豆沙，因为佢不太甜，刚刚好。