影片
更多
2018-05-28
1489 浏览
由于家住西环，所以德记系我由细到大帮衬！其实由德记细舖搬大舖之后都少左帮衬，因为经常大排长龙，宁愿选择其他更好味的餐厅。今晚爸爸心血来潮话想食，佢18:10已打电话问可唔可以订枱，接电话的伙计话即刻黎都可能有位，我地1行3人仆到落街！不过去到都要等左20分钟先有位。3人叫左1个二人套餐（卤水鹅肉、2盅虫草花炖螺头汤、菜心青衣球及驰名蚝仔饼1片）加个金银蛋浸苋菜。卤水鹅肉。点得鹅肉而唔点鹅片，就当然觉得鹅肉比较滑啦，点知大半碟鹅肉都「又鞋又韧」，失望！虫草花炖螺头汤味道系唔错，感觉无味精，但可以的话唔好放咁多「又干又鞋」嘅煲汤猪肉落去啦拜托。菜心青衣球我喜欢蒜蓉，所以觉得佢煮得几好，青衣球都够滑，共有6件，每人有2件都够哂食！驰名蚝仔饼蚝饼边炸得几香脆，蚝仔份量都多，可惜粉浆比例略嫌多左，或者因为捞唔匀，令蚝饼中心比较腍、多浆粉。金银蛋浸苋菜金银蛋，故名思义应该要有咸蛋及皮蛋，只见成个菜煲有皮蛋及咸蛋白！咦！咸蛋黄呢！？礼貌地请左一位阿姐问下个咸蛋黄喺边。解释左一轮之后，第1位阿姐礼貌地叫我地等等，叫左第2位（较高级！？）嘅阿姐黎！第2位阿姐过到黎，又要我爸爸再解释多一次。佢听完后好似费
今晚爸爸心血来潮话想食，佢18:10已打电话问可唔可以订枱，接电话的伙计话即刻黎都可能有位，我地1行3人仆到落街！不过去到都要等左20分钟先有位。
3人叫左1个二人套餐（卤水鹅肉、2盅虫草花炖螺头汤、菜心青衣球及驰名蚝仔饼1片）加个金银蛋浸苋菜。
卤水鹅肉。
点得鹅肉而唔点鹅片，就当然觉得鹅肉比较滑啦，点知大半碟鹅肉都「又鞋又韧」，失望！
虫草花炖螺头汤
味道系唔错，感觉无味精，但可以的话唔好放咁多「又干又鞋」嘅煲汤猪肉落去啦拜托。
菜心青衣球
我喜欢蒜蓉，所以觉得佢煮得几好，青衣球都够滑，共有6件，每人有2件都够哂食！
驰名蚝仔饼
蚝饼边炸得几香脆，蚝仔份量都多，可惜粉浆比例略嫌多左，或者因为捞唔匀，令蚝饼中心比较腍、多浆粉。
金银蛋浸苋菜
金银蛋，故名思义应该要有咸蛋及皮蛋，只见成个菜煲有皮蛋及咸蛋白！咦！咸蛋黄呢！？礼貌地请左一位阿姐问下个咸蛋黄喺边。解释左一轮之后，第1位阿姐礼貌地叫我地等等，叫左第2位（较高级！？）嘅阿姐黎！
第2位阿姐过到黎，又要我爸爸再解释多一次。佢听完后好似费事啋我地咁，求其嗡左2句「系咁架啦」！我爸爸想继续问个阿姐，呢个阿姐完全唔理我地就拧转头走左去！今时今日待客之道又系咁吗？
之后我爸爸心有不甘再揾左另1个大叔伙计，呢位大叔似乎态度好啲，问我地想点！？要唔要换第2个𩠌！？我地费事再烦，加上其他𩠌都食得十之八九，唔想再等而无换！
其实啲𩠌菜又唔系好味，价钱又唔系特别抵食，伙计态度又参差，真心唔明白点解咁多人帮衬，仲好似每晚都几十人喺门口大排长龙！啱嘅，我唔识欣赏啫，或者间野大把其他人欣赏呢！人地仲系「车軚仔」推介食店添，嘿！
张贴
