台軒 (麗豪酒店)

营业中

休息中

#搞串个pantry 今次继续嚟到#沙田 住宅区揾嘢食😜，试吓一间台湾菜🍲。呢间舖头坐得几舒服💕，卡位系用梳化，不过座位唔算好多。今次嗌咗两个套餐，分别系🔴盐酥鸡扒肉燥粗面配肉松皮蛋豆腐($97)，同埋🔵牛肉粗面配炸花枝丸($110)。盐酥鸡扒肉燥粗面🌟🌟🌟盐酥鸡扒炸得好脆🔥，而且鸡肉都算多汁🍗，几好食！而佢嘅粗面同刀削面嘅口感相似，煮得够软，又有少少咬口，口感唔错🤤。而且配合埋肉燥一齐食🤩，好有台湾风味。牛肉粗面（加牛油）🌟🌟🌟牛肉煮得好腍，口感好好。但系就略嫌汤底唔够牛嘅香味，不过每枱都有写住「牛油」嘅调味料🤩，加两三羹入去汤底，即刻好有油脂感同牛香味🐮，仲有一啲红烧嘅辣味㖭🌶️。推荐任何嘅汤面都一定要加牛油调味料落去！炸花枝丸🌟🌟🌟份量好少，只系得四件切半嘅花枝丸😖，即系总共两粒。但系整得好食，加咗椒盐嘅调味，令到炸花枝丸好香口🥳！肉松皮蛋豆腐🌟肉松同埋豆腐嘅配搭好夹💕，酱料嘅甜甜咸咸，肉松嘅香味，加埋豆腐嘅豆香味、甜味，加上豆腐嘅香滑😋，喺口入面好顺口！而且皮蛋🥚本身已经好正。不过入面加咗好多芫荽，呢个就各有喜好，如果唔钟意芫荽嘅朋友，会觉得好有草青味，同埋浓郁芫荽味🤯。