影片
更多
2008-11-08
8 浏览
小金鱼变成咗小病鱼足足一个星期有多，刚刚呢个星期好d，见今日唔洗返工，就同鱼妈妈出街揾食啦，补偿一下食咗一个星期的白粥o既可怜鱼胃(食到差点见到白色野都惊)。本嚟谂住同鱼妈妈食和花亭，但系鱼妈妈嫌行过去太子远，以鱼妈妈咁悭廉的性格又点会肯"打的"去吖(就算系小金鱼比都系咁话)，但系又唔想同鱼妈妈食麦当当or肯基基咁，谂谂下就醒起屋企附近仲有间峰寿司㖞，之前系铜锣湾有食过，味道唔错，于是就同鱼妈妈游咗过试下啦。去到见到门口都有几多人等位(个时只系2点几到)，我攞咗张飞都惊要等好耐(鱼妈妈系老人家~边肯等成个钟头只系为咗食餐lunch吖~~)，不过都算好彩，我地等咗10分钟左右就有位，仲要系回转位添hehehehe。好~~坐定~~拣野食....... 蟹柳寿司：第一次系铜锣湾食的时候，觉得超好食，但系今次就一般般啦，size细咗，仲要变咗无味道，虽然比起街边所谓蟹柳都算好好多，但系差咗就系差咗。三文鱼腩寿司：小金鱼觉得同普通三文鱼寿司无乜分别，虽然叫腩但系就一d都无肥美的感觉，可能系因为切得太薄的关系，失去叫人觉得肥美的感觉，我好似见佢无普通三文鱼寿司供应(定系我无为意~但系我就唔见回转带
本嚟谂住同鱼妈妈食和花亭，但系鱼妈妈嫌行过去太子远，以鱼妈妈咁悭廉的性格又点会肯"打的"去吖(就算系小金鱼比都系咁话)，但系又唔想同鱼妈妈食麦当当or肯基基咁，谂谂下就醒起屋企附近仲有间峰寿司㖞，之前系铜锣湾有食过，味道唔错，于是就同鱼妈妈游咗过试下啦。
去到见到门口都有几多人等位(个时只系2点几到)，我攞咗张飞都惊要等好耐(鱼妈妈系老人家~边肯等成个钟头只系为咗食餐lunch吖~~)，不过都算好彩，我地等咗10分钟左右就有位，仲要系回转位添hehehehe。
好~~坐定~~拣野食.......
蟹柳寿司：第一次系铜锣湾食的时候，觉得超好食，但系今次就一般般啦，size细咗，仲要变咗无味道，虽然比起街边所谓蟹柳都算好好多，但系差咗就系差咗。
三文鱼腩寿司：小金鱼觉得同普通三文鱼寿司无乜分别，虽然叫腩但系就一d都无肥美的感觉，可能系因为切得太薄的关系，失去叫人觉得肥美的感觉，我好似见佢无普通三文鱼寿司供应(定系我无为意~但系我就唔见回转带上有啦)，虽然价钱唔系贵，我记得大约好似是$12到啦，但系真系无食腩的感觉，如果当普通三文鱼嚟食反而ok好多。
鱿鱼寿司：一般，无乜特别，不过尚叫新鲜啦。
火炙寿司：一碟有三件(鳗鱼 + 带子 + 三文鱼)，其实叫呢碟系因为鱼妈妈话想食熟食的寿司，三件都系用火枪烧过个面再"查"汁系面，带子最好食，因为够厚身，鳗鱼同三文鱼就太薄啦，而且小金鱼觉得三文鱼都系生食比较好，熟咗会"鞋"口d，鳗鱼太薄身就无口感。
鳗鱼寿司：呢个比上面个个火炙鳗鱼好好多，鱼身够厚，再加上个鳗鱼汁较得唔错，无一味死甜，而且上到枱仲微热，食落口就唔会觉得好腥。
沙咀鱼 & 炸虾寿司+抺茶盐：因为呢个系叫的唔系系回转上攞，所以上到嚟热辣辣，不过鱼本身就无乜味，就算加咗盐都系咁。至于个炸虾寿司就同和花亭差太远啦，呢度就炸浆薄同和花亭好多，但系只虾身唔够弹牙，而且我个人觉得和花亭落沙律酱比盐配合，不过呢个系个人口味，不够作准啦~~~
软壳蟹 & 炸虾手卷：热辣辣原因同上，不过件软壳蟹size相当细，藏系d饭入面差点见佢唔到，炸虾就因为现炸，好热辣辣，仲要加上呢度d手卷无落青瓜，我唔洗"了"都可以成个食矖，而d紫菜就尚脆，我觉得比寿司好食。(都可能系口味问题啦)
珍宝炸蚝：呢个系鱼妈妈指明要点的，热辣辣原因都系同同上啦，只蚝都几creamy又够大只同新鲜无腥味，而且个炸浆较得唔错，唔会食到一口粉咁，成餐最好食都可以算系呢样。
service方面，大致ok，虽然好似有d待应系日本人，但系用手指指的方式都落到单，再加上我地坐系近门口位，全部待应都系企系个度，要叫人都唔会太困难啦。
价钱方面，我地2个人食咗hkd215.00，lunch嚟讲都算贵，不过叫做接受到啦~~~
不过我都系比较钟意食和花亭多d啰~~~hehehehe
张贴