越男仔

营业中

休息中

💛已经有一段时间冇去旅行喇。突然口痕好想食东南亚嘢。如果去过阿木台湾面都一定会留意到喺隔离嘅越南仔。既然出开旺角就去试吓佢啦。- 椰香拉茶（冷/热、走甜）😬似椰浆加拉茶。走甜令茶味更突出，茶底香但带苦涩。拉茶茶底同平时嘅奶茶红茶底唔同，有少少Chai Tea嘅风味。我就麻麻地喇。-皇牌3+2捞檬（手撕鸡＋猪颈肉丝＋脆猪肉＋扎肉丝＋烤牛肉）😬边啲系鸡丝，边啲系猪颈肉丝，我已经傻傻分不清喇。脆猪肉炸得好干身，硬到咬唔到。扎肉丝同烤牛肉系当中较好味嘅配菜。食咗两啖檬粉，觉得好淡，好似差咁啲嘢咁。系捞檬嘅鱼露呀！但望一望自己同附近嘅枱都冇，心谂应该系用肉丝捞呱。食完先见到店员上捞檬嘅时侯系会同时附上鱼露。😳系咁啱漏咗俾我。今次食咗个好清淡嘅捞檬。火炙香茅烧汁薄烧牛配白饭＋牛骨汤😀牛骨汤好鲜甜！😀烧汁好惹味，配埋腌菜可以食好多碗饭。😬牛肉嘅口感有啲奇怪，有啲似parma ham嘅质地。牛肉冇火炙嘅香味同调味，所以比较淡，酱汁分量加多一啲会更加好。欣赏佢哋嘅餐牌有好多唔同款式嘅食物同饮品俾大家拣。上餐嘅都速度好快。食物就仲有进步嘅空间。可以加多啲香叶、香料同腌料会更贴近越南嘅味道。