MAMA Burger & Lobster (已結業)

见有好多好评，于是带著期望专程去食晏，点知失望而回。叫左个lobster roll套餐，除左个主题包，仲包左汤同沙律，承惠$198再加一。先黎个沙律，系基本沙律菜加上油醋汁。d菜新鲜清洁，但个汁好重油味，盖晒醋味，食到我一口油，好想放弃。但唔想浪费食物，所以照食晒。餐汤以一个好细嘅杯盛载，大概半满，直接用杯仔饮，如果计份量，我觉得大概系三汤匙左右啦。份量其次，问题系个汤味道好淡。到最重要嘅龙虾roll嘞，外面系一片牛油多士包住好多龙虾肉。个包好香牛油味，但d龙虾肉肉质就麻麻地。另外用$10叫左杯苹果汁，虽然加左好多冰令到个苹果汁超淡味，但卖相系好靓嘅，咁$10咁平，仲想点？我在香港同日本都有食过唔同店嘅龙虾包，呢度嘅唔系特别好食亦唔系特别平，暂时谂唔到自己再帮衬或者要推介比朋友嘅理由。