泰國人海南雞 (杏花新城)

营业中

休息中

今日喺柴湾参加完小朋友嘅毕业礼，虽然毕业𠮶个唔系佢，但系见到佢哋落力嘅演出，决定带佢去附近嘅杏花邨Playhouse玩。第一次嚟杏花邨，原来食肆唔多，最后拣咗之前喺旺角食过嘅泰国人海南鸡食午餐。今日系公众假期，餐厅唔使等位，我哋拣咗靠墙位坐。餐厅比我感觉整体可以，服务员人手充足态度有礼，出餐都几快，味道就一般，价钱都几合理。干炒肉片河粉，肉片新鲜，唔系腌到无晒咬口𠮶种，保留到肉嘅质感，河粉好大块，有少少似粉皮，味道适中唔浓，唔会食到成口油，不过无镬气。杂锦扎肉汤金边粉，呢个系小朋友食，其中一款扎肉有黑椒，有少少辣，整体可以，系普通一碗粉。泰式海南鸡饭，鸡大多系鸡胸，其中一件系鸡翼一件系脾位，中规中矩，唔鞋但唔系出色，汤好重鸡粉味，饭系无油香但系有颜色嘅饭。下午茶：泰式烧鸡扒猪颈肉清鸡汤米线配泰式春卷(2件)春卷金黄香脆，里面系蔬菜。猪颈肉及鸡扒各三件，食落都系普通一碗粉。椰汁冰，好重椰汁味。龙眼冰，龙眼太少，都几清甜唔错。木橘蜜，好淡，不过小朋友饮无所谓啦。奶茶。