米子寿司 (已結業)

本来想叫外卖寿司拼盘，因为佢有个狮子寿司盛好吸引，但比较之下发现用外卖App叫比自己嚟买贵成一百蚊，实在系太离谱，嬲到我自己走去买。寿司拼盘有好多选择，同先生商量之后担心叫狮子寿司盛份量会太多两个人食唔哂，于是决定一人拣一盒堂食。我叫嘅寿司拼盘份量较少，带子同玻璃虾刺身颇为肥美；三文鱼子粒粒饱满，非常新鲜；但海胆就比较淡味，而且有啲干🙁其他刺身则比较薄，口感欠奉。最为不足嘅系佢嘅寿司饭，又干又硬，感觉好似雪咗好耐咁😢先生拣嘅拼盘虽然贵廿蚊，但份量颇多，我咗一件花之恋，飞鱼子脆卜卜，好新鲜，三文鱼亦比我嘅三文鱼腩刺身厚得多，唔错👍🏻不过败笔位仍然系寿司饭过硬同唔新鲜🙁饮品选择唔多，但价钱合理。堂食期间发现餐厅生意都唔错，出出入入人流几旺，唔少人都选择即场order，或者下次都试下即叫即制会唔会比较新鲜。