生記滷味

营业中

休息中

今日放工去开红磡拎嘢，到食饭时间肚饿， 行过见到呢间， 见到蔡澜张相即刻冲入去。嚟到卤味店一定系食卤水鹅， 所以我谂都冇谂就叫咗卤水鹅饭，上到枱时见到系鹅脾，内心即刻充满惊喜。之后店员好有礼貌送个例汤给我，其实呢啲卤味/烧味嘅店舖，𠮶个例汤一定好好味，每日大量头颈，根本就唔需要加味精，个汤已经好饮，呢度嘅例汤亦都系，饮完唔会有口渴嘅感觉。讲返卤水鹅饭，我嘅数量唔算太多，应该有7/8件左右，开头我以为系卤水鸭，仲谂住叫个师傅对一对，但望多两眼应该系卤水鹅饭，相对其他嘅卤水鹅饭，份量系少咗啲，而且亦都冇豆腐同埋酸菜。味道方面，我食第一口，已经感觉超级咸，我唔知点解，佢系有卤水嘅香味，但比咸味盖过了，虽然叫做鹅髀，但系都比较偏瘦，最重要一样，系师傅没有将佢起肉，因为之后每一件鹅肉，都充满细骨，而且啲骨仲跌咗落啲饭到，食𠮶阵时要非常小心，而且𠮶啲饭仲好似唔系好热，食落去嘅感觉唔系太好。一碟卤水鹅饭多谢$55，对比一间咁有名气嘅卤水鹅店，系一个合理价钱，但系味道就真系有点失望。可能因为有蔡澜嘅原因，所以大家对呢间店舖嘅期望值都会提升，如果呢间是街市或者无名气嘅舖头，我相信一定冇投诉。