轉角 (已結業)

转角今日难得嚟屯门，当然要试吓呢一间餐厅，平日就系网上见到好多人食，今日决定要一试！今日叫咗呢一个玉子烧，总共会有三旧，份量适中，至于味道方面都不错！总之就不过不失啦。除咗玉子烧，仲嗌左个咖喱饭 同埋温泉蛋牛肉意粉，首先讲吓个咖喱饭先，咖喱味其实唔算好浓郁，比较偏向港式咖喱，唔会系日式咖喱！咁个吉列猪扒我就觉得好硬身，吾太吸引。但系依家钱来讲的确系几抵食， 60几蚊大大碟，份量够晒，只系味道欠佳，如果你系选择想要食饱个肚嘅话，呢个都系一个唔错嘅选择！至于个温泉蛋牛肉意粉，份量一样够大，我个人认为不错，个温泉蛋整得几好食，啲牛肉都系大大块，而且都几入味。