California Pizza Kitchen (屯門市廣場1期)

营业中

休息中

疫情下收紧左餐厅食饭人数，3人行好难揾到可以坐一枱既餐厅，呢间加洲pizza未试过，又可以坐3个人1枱，就约埋朋友一齐食个下午茶啦。下午时间大把位，安排我地坐卡位，但天气太好，d阳光照晒入黎又热又残眼，于是要求调返左中间d位好了。好开始叫野食，叫份pizza，阔面同小食薯条，薯条用蒜香牛油酱，薯条系粗薯有薯味，新鲜炸的，唔会炸得好透，ok。蒜香大虾青瓜阔面，份量偏少，真系1人1啖都无晒，可能有青瓜既关系出好多水，无乜酱汁，有蒜香味，有7只虾仔，我觉得麻麻地。主角pizza到，个pizza放左好菜，个批本身无乜料，系有鸡肉同牛油果，菜系后加落去食果阵都分开晒，当沙律咁食，值得赞既系个批边香脆得黎内里松软，带少少甜味，剩食个边都唔会好dry，有d咖哩汁点下就正啦。可能今次嗌既野本身唔太好食，其他未试唔知，有机会可以再试下既，整体算不过不失。