一韓燒

营业中

休息中

今日第一次嚟到呢间一韩烧食嘢，叫咗牛五花200克，同一份黑毛猪五花拼嫩鸡肉，都系200克，再加两罐可乐。个枱面餐牌嘅设计几特别，位置啱啱好可以陷入去，但系啲炉边同埋柜桶入边略嫌卫生麻麻哋。一份猪拼鸡，好快就嚟咗，但系份牛五花竟然等咗20分钟都未嚟，同第一个侍应讲仲好似冇乜反应咁样。啲猪好似太薄，好容易就烧到变猪肉干咁，啲鸡又厚咗少少，烧极都唔熟。牛反而食落OK，都算多块。啲酱料有五种，但系味道一般般，全部都好似酸酸甜甜咁。套餐仲附一个汤同埋一碗饭，碗汤好咸好咸，话系韩式汤但系面豉汤咁味，碗饭太多水，好笠，唔好食。呢餐埋单$138，价钱合理。