金寶美食中心

营业中

休息中

食得多某间茶记，又试下佢隔离呢间，餐牌格局完全一样，连午餐啲饭都差唔多，系互相抄袭定系同一个老细？价钱都一样，不过呢边冷气劲啲，多啲枱，但客少啲。先来个B餐咖哩牛肚牛肉饭，好多肚无乜肉，咖哩汁少少辣够香，几旧大薯仔入味又饱肚，饭好大个，但啲饭唔多掂，好散好干唔好味，仲送上孤独的一条菜。同事要瓜粒汤饭，好大碗汤，好少饭，料都算多，冬瓜粒，丝瓜粒，火腿片，肉粒，虾仔，菇粒，汤几鲜味。热柠茶有五片柠檬，好阔绰。冻柠茶四片柠，少甜都好甜。全场都系男食客……感觉真系有啲麻甩。