金寶美食中心

营业中

休息中

金寶美食中心位於工廠大廈地下，有不少卡位和長桌，能容納不同人數的客人。點了一個是日午餐-G餐菠蘿海鮮炒飯$55.00看到餐點名稱時，曾經有一絲期待，雖然賣相還好，但味道算不錯，不會很鹹。炒飯有蝦仁、豬肉鬆、生菜、蔥、魷魚、炒蛋、腰果、蜆肉，飯粒炒得尚算乾身，而且份量很多，我都不能把它吃光。-凍奶茶 +$2.00茶底不錯，在甜度足夠的情況下仍能喝到茶味。-送的湯 +$0.00不知是不是味精湯，挺好味的。

食得多某間茶記，又試下佢隔離呢間，餐牌格局完全一樣，連午餐啲飯都差唔多，係互相抄襲定係同一個老細？價錢都一樣，不過呢邊冷氣勁啲，多啲枱，但客少啲。先來個B餐咖哩牛肚牛肉飯，好多肚無乜肉，咖哩汁少少辣夠香，幾舊大薯仔入味又飽肚，飯好大個，但啲飯唔多掂，好散好乾唔好味，仲送上孤獨的一條菜。同事要瓜粒湯飯，好大碗湯，好少飯，料都算多，冬瓜粒，絲瓜粒，火腿片，肉粒，蝦仔，菇粒，湯幾鮮味。熱檸茶有五片檸檬，好闊綽。凍檸茶四片檸，少甜都好甜。全場都係男食客……感覺真係有啲麻甩。