百份百餐廳 (交通廣場) (已結業)

朝早行过好多次见好多人食早餐但都无试过，琴晚经过试试晚餐得唔得。首先坐底想讲就系店内干净程度，但真麻麻，枱头痴「立立」，柜桶d刀刀叉叉有渍又痴住饭粒，总之唔系好想掂啰。最后都继续坐底点咗红烧枝竹豆腐鱼柳煲晚餐套餐，套餐可升级加$6转特饮，咁我就升咗叫咗个牛乳台茶凉粉冰，原价要$22，咁睇价钱都ok抵嘅。个枝竹豆腐腐鱼柳煲份量唔少，鱼柳最少都有7-8嚿，个味都调得几好味，唯独是d菇唔新鲜，我要全部菇拣出嚟唔食。除咗d菇，其实呢味𩠌都唔错。至于杯牛乳凉粉冰就十分一般嘢，我会宁愿饮冻奶茶啰。