影片
更多
2017-09-07
949 浏览
首次涉足装修后的美丽华, 除了名店多, 食店也不少, 连谢霆锋的风味曲奇也进驻了。今晚我跟同学叙旧选了美丽华商场的 MY DAY 吃这个海鲜拼盘半自助餐。装潢大方得体, 美轮美奂, 颇有5星级酒店的气派。场外的长形大露台可供宾客婚宴拍照或租来开私人派对露台仲有无敌日落美景, 好正呀。海鲜半自助餐价钱又唔系好贵, 由$268-368不等, 包一个海鲜拼盘、主菜、饮品、甜品及自助餐汤、冷盘、沙律及生果。自助bar先来海鲜冷盘, 卖相相当吸引, 望落颜色鲜艳, 颇新鲜, 其实我都几钟意食海鲜冷盘, 无需落任何调味料, 比较原汁原味, 就系食海鲜本身嘅咸鲜。海鲜冷盘2位用~龙虾 x 1~冻虾 x 4~海螺 x 4~青口 x 4~长蟹脚 x 4龙虾青膏不少, 冻食原来都好香滑, 龙虾肉非常新鲜, 爽口弹牙, 咸咸地, 鲜味十足, 比起清汤或芝士焗龙虾好食好多。海螺肉唔韧, 冰凉脆口, 点少许芥末酱油提味更好食。冻虾只只大过手指, 色泽嫩红, 同样爽弹鲜美。青口没有苦涩味道, 肉质juicy嫩口, 青口中佢算好好食。长蟹脚长蟹脚最好食当然系蟹钳, 拆壳后.....一口咬落去, 一梳梳的蟹肉, 鲜爽
装潢大方得体, 美轮美奂, 颇有5星级酒店的气派。
场外的长形大露台可供宾客婚宴拍照或租来开私人派对
露台仲有无敌日落美景, 好正呀。
海鲜半自助餐价钱又唔系好贵, 由$268-368不等, 包一个海鲜拼盘、主菜、饮品、甜品及自助餐汤、冷盘、沙律及生果。
自助bar
先来海鲜冷盘, 卖相相当吸引, 望落颜色鲜艳, 颇新鲜, 其实我都几钟意食海鲜冷盘, 无需落任何调味料, 比较原汁原味, 就系食海鲜本身嘅咸鲜。
海鲜冷盘2位用
~龙虾 x 1
~冻虾 x 4
~海螺 x 4
~青口 x 4
~长蟹脚 x 4
龙虾青膏不少, 冻食原来都好香滑, 龙虾肉非常新鲜, 爽口弹牙, 咸咸地, 鲜味十足, 比起清汤或芝士焗龙虾好食好多。
海螺肉唔韧, 冰凉脆口, 点少许芥末酱油提味更好食。
冻虾只只大过手指, 色泽嫩红, 同样爽弹鲜美。
青口没有苦涩味道, 肉质juicy嫩口, 青口中佢算好好食。
长蟹脚
长蟹脚最好食当然系蟹钳, 拆壳后.....一口咬落去, 一梳梳的蟹肉, 鲜爽甜美, yummy
食到途中…….望望窗外, 日落差不多完了
香煎深海比目鱼配原只南非鲍鱼 ($328)
既然海鲜冷盘冇鲍鱼及鱼, 主菜我便叫了一个鲍鱼比目鱼餐, 酒店级的presentation, 分子泡沫西芹头忌廉汁更显高贵, 连配菜都系用bb芦笋, 但价钱又唔系好贵㖞, 坚抵食。
比目鱼 ~ 厨师用盐腌过才拿去煎, 鱼肉肉质结实, 咸香湿润, 不鞋口, 鱼煎得脆脆的, 完全唔腥。
南非鲍鱼 ~ 当然无日本吉品鲍般有糖心, 鲍鱼味都算浓, 胜在软弹烟韧, 咬吓咬吓, 咬出盐鲜。
红花汁薯蓉/芦笋/蓝青口 ~ 红花汁淡淡的清优, 最爱清香少咸型的味道, 蓝青口嫩滑, bb芦笋好爽嫩。
甜品拼盘
真系冇谂过二百零~三百零蚊嘅海鲜餐, 2人份的甜品会大堆头兼制作认真到这地步, 我朋友系甜品控, 见到咁多款式, 开心到癫咗。
整体甜品很不错, 最好系全部唔过甜, MY DAY 甜品师父深明女士爱吃又怕肥的道理, 再者太甜食2件己腻到唔想再食, 微甜而加深甜品主食材的味道才是甜品的至胜之道。
法式炖蛋~香滑有蛋香, 甜度啱啱好。
奶冻~冰凉香滑
班尼蛋糕~朱古力浓香
纽约芝士蛋糕 ~ 完全唔hea, 芝士味够浓, 拥有松硬的身驱, 硬又点会松呢？蛋糕硬净但用叉一叉, 饼身即松化而开, 正！最怕𠮶啲软的, 一叉....芝士蛋糕痴实晒个叉....黐立立....
绿茶蛋卷 ~ 呢件好正, 清香绿茶, 又唔甜腻。
同朋友食晒所有甜品落肚, 竟然仲有少少空位试埋南瓜汤、沙律、冷盘及生果, 101% FULLED 及满足。
相信系普通餐厅都冇可能用呢个价钱食到咁高质素嘅海鲜, 更何况在尖沙咀呢？呢个海鲜半自助餐超抵食！
张贴
