外野手 (已結業)

最近约d观塘friend食饭, 次次都系系apm食, 所以今次决定改去其他地方. 有朋友系open rice见到外野手好多人推介, 所以决定一试。鱼生- 鱼生既选择唔算少, 但头一round每件都好细,好薄, 我地都系每人叫一至两件试下先, 我地众人都觉得唔系咁新鲜，所以都唔系叫左好多。寿司亦系一般货式, 无咩惊喜。不过就系手握既。烧物- 几好食，烧青椒好鲜好甜。不过烧鸡软骨似炸鸡软骨多d, 好厚粉。一口牛, 唔韧不过有"稣"味。锅物/煮物–我钟意佢个杂菇锅，白色既汤好鲜。其他杂菜牛肉锅，辛辣鱼锅都唔系咁得。最难食–系个粥，都唔知咩味，食落似酸辣汤既味，好恐怖。同个waitress讲佢重叫我地下次唔好浪费食物! 服务–整体黎讲都唔错，落order, 加茶, 收碟都好快手。总结- 我就唔系觉得非常抵，若果人多不如揾间日本餐厅食好过系到放题。若果得一两丁既话亦可以一试。