樂農 (已結業)

同朋友庆祝生日，其中一个食素嘅朋友揾咗呢间试下……呢间素菜店请咗有听讲障碍嘅人当侍应，佢哋态度都唔错，亦都唔会因为咁而影响order服务。叫咗最出名嘅流沙饺，讲真真系有 d 期望，因为好多人都话好食，仲话系呢度嘅招牌菜，但我个人就好唔钟意果种蕃茄味，质感也怪怪哋。罗汉斋煲个南乳味其实几香，但好似有小小浓咗嘅味。三丝炒米粉同沙葛炒 xx (唔记得) 都普通啦。比较好味系炸嘢，火喉唔错，炸得香，但又唔会好多油。最正系个芋头鱼，其次系炸春卷，但春卷皮略厚。系一餐中规中矩嘅店。最特别系有朋友生日，订台时订埋寿包，最后寿包系送嘅，生日朋友个寿包仲会特别大。除此之外，店长特意教我哋做手语唱生日歌，虽然感到有小小尴尴，但店长用心教我哋，我哋都有跟住做。