阿利水韓國料理 (已結業)

一坐低侍应就先放低啲小菜，一开始先送上嘅八小碟，呢几小碟同一般香港既韩国餐厅差不多，分量小小嘅，每款食啲，蔬菜类同啲酸酸地嘅小菜增加胃口。我地叫左两款肉类嘅韩烧，第一款系猪腩肉，卖相就真系麻麻啦，好明显系未完全解雪嘅，肉色又无，脂肪同肉嘅分配又唔平衡，似啲打边炉嘅低级牛肉多过猪腩肉。好快就黎埋碟牛肉，卖相同样失望，好多都系牛肉细片，唔完整嘅牛肉片，感觉唔太良好，好此任何人系屋企加啲调味酱放入冰箱几日之后罗反出黎咁。肉到左之后，侍应好快手放一半嘅牛肉同一半嘅猪腩肉落去烧，之后就行开左，其实你又唔系帮我烧咁点解放咁多落去烧呢，牛肉快烹好啲，我就需要一边食牛肉一边烧同反啲猪腩肉，最后猪腩肉烧过头，硬哂。第一round，两款肉都唔好食啦。之后我地调整细啲个火，烧完一样先一样，好味左好多啦，讲真自己烧，自己决定烧几多仲好啦，你又唔系同其他韩国烧咁定时侍应过黎帮手烧，做咩放咁多肉落去呀，我就一边食牛肉一边烧一边同朋友讲嘢。