Sweetology (已結業)

同友人经过见到这间餐厅不算多人，而且间店的装饰又几令，所以就入左去食！首先叫左个All Day Breakfast 同埋一个小食试下先呢个All day breakfast 唔算贵，好似八十几蚊，大大份，重有个牛角包，但因为未整好要后上，所以无影到。D野食都算ok，个沙律几清新，但个炒蛋真系要话下佢！呢个炒蛋系我呢世人食过最难食的炒蛋！我自己本身都钟意食蛋，见佢份蛋都都大份，点知一食，个蛋里面唔知混左D咩，好实，而且完全无味，连蛋本身的蛋香都无。其实我唔介意你份蛋细D，但唔该唔好混成蛋浆扮大份！香肠烟肉卷，味道ok，烟肉不太咸。最后叫了个甜品－－抹茶窝夫都系得个样，一见到个甜品，就满心期待，因为我同友人都是抹茶控。虽然它的外表系绿色，但我地一食，一致都完全食唔出一点抹茶味！太失望了！而且窝夫也不够香...其实我本来见到个menu重有好多甜品好似好好味，但经过今次之后，或者我会等一段长时间先再黎试下吧！