北海道活壽司 (已結業)

今个星期五晚，同朋友两个8:00嚟到呢间日本餐厅食饭，以星期五晚嚟讲唔使排队，可以直入，对呢间餐厅都冇乜期望！ 坐低之后，果然冇期望冇失望！第一冷气唔够冻，第二有乌蝇仔不断喺我面前来往！环境已经令整间餐厅变得好低级！  友人好肚饿，第一轮已经叫咗好多碟寿司，有三文鱼，油甘鱼，赤虾，鱿鱼，吞拿鱼，蝶鱼裙边等等 ！寿司方面，啲饭手握得比较实，唔算好食，鱼生片比较薄，亦都唔够冻，感觉唔新鲜，最好食都系𠮶款系蝶鱼裙边，好肥美，够油腻！我估呢度嘅熟食比较好！  另带一题，呢度嘅Wasabi系独立包装，豉油都系自己斟，较为方便！  第二转点咗一个大嘅刺身拼盘！另外加一份甜虾！ 带子新鲜，北寄贝爽口，最差系甜虾，感觉好唔新鲜，见到有啲黑色，啲肉好削！  最后，叫多一件$27既特长海鳗寿司！实在太失望，一来唔够厚，二来冻嘅，三鳗鱼汁太多，完全开咗鳗鱼本身嘅味！  最后两个人加埋$433埋单，应该冇下次！ 整体嚟讲，完全系高价钱低享受，未算最难受！