影片
更多
2023-06-04
371 浏览
今日去果栏买生果，我觉得肚饿，响附近揾间餐厅食个午餐先，见到有间皇牌冰厅，好似未试过🤔，见里面仲有好多位，就入去试下啦。地方算大，座位多但安排得比较密，好彩拣到个单边座位，可以自己一个人坐抵食饭🤭。见个餐牌有劲多选择，常餐、汤饭、午餐、扒类及面类等，搞到我谂5分钟，最后都系食返我最钟意嘅星洲炒米🤣。先呢个餐汤罗宋汤，足料酸甜度适中，正常水准。等咗大约5分钟，碟星米已经上台，唔单止上枱速度快，而且分量劲多。材料充足有蛋丝、洋葱丝、叉烧、虾仁、韭黄及火腿丝，第一口咬落去，感觉都够镬气，但系咖哩及黄姜香味不足，而且味道偏咸，米粉质感硬身(个人偏爱新竹米粉)，越食越觉得油腻，后尾食到接近一半有多时，见到碟底有劲多油😰，我都唔敢食落去啦。最后叫埋杯餐饮，热咖啡味道都系一般。
地方算大，座位多但安排得比较密，好彩拣到个单边座位，可以自己一个人坐抵食饭🤭。
见个餐牌有劲多选择，常餐、汤饭、午餐、扒类及面类等，搞到我谂5分钟，最后都系食返我最钟意嘅星洲炒米🤣。
先呢个餐汤罗宋汤，足料酸甜度适中，正常水准。
等咗大约5分钟，碟星米已经上台，唔单止上枱速度快，而且分量劲多。材料充足有蛋丝、洋葱丝、叉烧、虾仁、韭黄及火腿丝，第一口咬落去，感觉都够镬气，但系咖哩及黄姜香味不足，而且味道偏咸，米粉质感硬身(个人偏爱新竹米粉)，越食越觉得油腻，后尾食到接近一半有多时，见到碟底有劲多油😰，我都唔敢食落去啦。最后叫埋杯餐饮，热咖啡味道都系一般。
张贴
