茶涮涮 (已結業)

一号风球兼星期六，心思思想打边炉。原本已经系openrice成功订左另一间火锅店，可惜5点左右火锅店通知其实已经冇位，openrice系统搅错左😫。所从立即再揾下有冇其他选择，见茶涮涮食评几好又有得订位，所以唔再谂咁多，订完立即出发! 到达时6:30左右，已经有一对日藉夫妇落紧order。男侍应流利日本对答，见日藉夫妇好满意咁😄。我地都开始睇menu，首先叫左一罐Kirin一罐Asahi（@58小小贵），然后叫一份熊本和牛盛合涮涮锅（$598），一客加州卷（$80）同一客吉列广岛蚝（$80）。和牛盛合有刺身五点，非常新鲜，已经唔记得排放核污水事件🙈。海鲜有野生虎虾，星班，松叶蟹棒同鲍鱼，全部都弹牙美味😋。牛肉有A5和牛肉眼，CBA牛五花，澳洲一级肉眼，北海道四元豚腩，和牛肉眼最👍。我地拣左豆乳豚骨汤锅，香浓豆味😋。最后仲有野菜拼盘，稻庭乌冬同雪糕作结尾! 准备埋单时见后面𠮶台叫左个日本sake tasting set，只系$68。毫不犹豫又叫黎试下，再点多份炸紫菜白饭鱼干（$80）𩠌酒🤭。三杯sake虽然唔算特别出色，但绝对抵饮过啤酒！真心食物唔贵，地点同服务又好，但成晚只有5枱客!