影片
更多
2023-06-18
1055 浏览
🥚《Tamago-EN》出名材料沿用用日本蛋制造嘅餐厅，平时早餐都系食开日本蛋嘅熊妹都想试呢间好耐啦。📌好好彩地可以坐到三个蛋型嘅卡位，设计好特别，自成一角，两妹子倾偈都方便啲。餐厅嘅设计好柔和，田园式嘅设计以蛋黄色同埋橙红色的蛋黄🥚为主题，特显出鸡蛋主题的特色，设计非常突出。📌📋餐牌都非常丰富，都几多嘢选择。各款用鸡蛋材料做法嘅餐单都有，例如用炒蛋嘅全日早餐，班尼迪蛋多士，夹系三文治中间的煎蛋，都系非常切合用呢个日本蛋作为食物嘅材料。📌话明日本蛋，紧系会有以日本蛋造成的地道菜-玉子烧。玉子烧上面仲会有好多其他材料一齐做配搭，呢个招牌菜真系好吸引。📌另外仲有其他意粉，汉堡扒主食，都有加上一只日本蛋做材料。📌甜品方面当然唔少得用日本蛋为主做出嚟嘅疏乎厘pancake啦，仲有多款口味有水果味，有黑糖味，有Tiramisu味，真系花多眼乱会好难拣架。低温慢煮鸡肉沙律， $78都几大兜沙律㖞🥗，第一眼就被切半嘅流心鸡蛋吸引住，蛋黄系橙红色，好明显系贵价有质素嘅日本蛋。面头放上几块鸡胸肉🐥，大碗入面铺满好多新鲜嘅生菜，仲有蕃茄仔🍅同埋青瓜片🥒，材料都几足。大大块嘅鸡胸肉份量多就系多，食落就觉得应
🥚《Tamago-EN》出名材料沿用用日本蛋制造嘅餐厅，平时早餐都系食开日本蛋嘅熊妹都想试呢间好耐啦。
📌好好彩地可以坐到三个蛋型嘅卡位，设计好特别，自成一角，两妹子倾偈都方便啲。餐厅嘅设计好柔和，田园式嘅设计以蛋黄色同埋橙红色的蛋黄🥚为主题，特显出鸡蛋主题的特色，设计非常突出。
📌📋餐牌都非常丰富，都几多嘢选择。各款用鸡蛋材料做法嘅餐单都有，例如用炒蛋嘅全日早餐，班尼迪蛋多士，夹系三文治中间的煎蛋，都系非常切合用呢个日本蛋作为食物嘅材料。
📌话明日本蛋，紧系会有以日本蛋造成的地道菜-玉子烧。玉子烧上面仲会有好多其他材料一齐做配搭，呢个招牌菜真系好吸引。📌另外仲有其他意粉，汉堡扒主食，都有加上一只日本蛋做材料。
📌甜品方面当然唔少得用日本蛋为主做出嚟嘅疏乎厘pancake啦，仲有多款口味有水果味，有黑糖味，有Tiramisu味，真系花多眼乱会好难拣架。
低温慢煮鸡肉沙律
$78
335 浏览
0 赞好
0 留言
低温慢煮鸡肉沙律， $78
都几大兜沙律㖞🥗，第一眼就被切半嘅流心鸡蛋吸引住，蛋黄系橙红色，好明显系贵价有质素嘅日本蛋。
面头放上几块鸡胸肉🐥，大碗入面铺满好多新鲜嘅生菜，仲有蕃茄仔🍅同埋青瓜片🥒，材料都几足。
大大块嘅鸡胸肉份量多就系多，食落就觉得应该系雪藏鸡胸肉喇，冻冰冰❄️而且肉质就有啲散，就真系似系而家好兴系超级市场买的即食鸡胸肉。
沙律嘅酱汁调味上比较偏咸，好似食紧一款咸食咁，盖过咗沙律嘅新鲜。
Tamago-EN 特制5款玉子串烧
$78
55 浏览
0 赞好
0 留言
Tamago-EN 特制5款玉子串烧， $78
日本蛋的地道菜就系玉子烧，当然玉子烧就会成为《Tamago-EN》的招牌菜啦。
特制5款玉子串烧就系每串玉子烧上面分别放上蕃茄酱、海藻酱、亲子三文鱼、明太子沙律同蟹肉。
首先玉子烧就系打匀咗嘅蛋汁一层一层烧起再卷埋变成玉子烧卷，日本蛋🥚的蛋香味加埋好有张力嘅蛋白造成嘅蛋卷，食落会较有咬口，唔会系一patpat淋晒的蛋，趁热食咗好清香蛋香。
各款特制口味就系加上去玉子烧上面多一重调味，其中熊妹觉得海藻酱比较特别，味道偏咸，但更能带出玉子烧淡淡的蛋香味，其余四款嘅味道多数都有用来配搭蛋做材料，所以就冇乜惊喜。
玉子烧虽然材料简单，但系好考师傅嘅功架，要睇得好准嘅火候令到蛋汁熟起来可以包卷一齐之余又唔会煎到表面烧焦形成虎皮，咁就唔靓仔，要煎到啱啱好熟透嘅蛋就可以令到表面光滑净系呈现黄色，咁就系一个🈴格嘅玉子烧。
烟肉明太子忌廉意粉（配慢煮蛋 ）
$88
57 浏览
0 赞好
0 留言
烟肉明太子忌廉意粉（配慢煮蛋 ），$88
意粉都几多，一碟份量都几足，配料上面有好多烟肉片粒🥓同埋菇片🍄，只要系侧根都会配上一只慢煮日本蛋，一拮蛋黄就会流出来，鲜橙红色嘅蛋黄流出嚟真系好吸睛，蛋黄汁同半熟嘅蛋白捞埋喺意粉一齐食，令到明太子汁更加creamy。
明太子味道都有，都creamy，不过熊妹略嫌汁稀咗啲，变成味道冇咁香冇咁浓稠。意粉🍝亦都煮得过腍，唔系7分钟熟度有咬口𠮶种，食落去腍腍地，似俾阿婆食𠮶款，呢种熟度熊妹就唔系几钟意喇。
白桃梳乎厘班戟
$88
67 浏览
0 赞好
0 留言
白桃梳乎厘班戟， $88
两大块班戟叠起一齐，上面放左大半个白桃，卖相非常吸引。
梳乎厘班戟🥞真系一流，日本蛋本身已经重蛋香用上日本蛋打出嚟的蛋白会非常挺身，可以令到疏乎厘班戟更加软绵，食落口好舒服，但又未至于食空气唔知食咗啲咩咁，果然系招牌菜一定要试。
白桃味道清甜🍑，食落非常爽口，唔系过熟变腍个款，好衬疏乎厘班戟的淡香，唔会死甜盖过咗疏乎厘嘅味道，果然冇拣错。
冻抹茶鲜奶
$38
64 浏览
0 赞好
0 留言
冻抹茶鲜奶，少甜， $38
熊妹叫咗少甜，唔想过多的糖浆盖过咗抹茶嘅味道。抹茶🍵打落鲜奶度，减少咗本身抹茶嘅苦涩味，饮落又真系少甜咁饮得出抹茶嘅回甘味，上面仲有一层奶泡沫，捞埋一齐加多一层淡淡嘅牛奶香味，系唔错㖞！
📌整体嚟讲，用橙黄的日本蛋做主题嘅餐厅系有噱头的，食物味道、调味同配撘都几好，不过如果每一款食物入边都有蛋做材料就比较有点单一化，变成好似食嚟食去都系食蛋咁🥚，只不过系唔同做法的蛋，熊妹估计食呢度一餐，就等于食咗一个礼拜蛋的份量了。
张贴
