怒茶巷 (已結業)

呢日同朋友嚟到葵广行街，葵广手摇铺真系多到眼花撩乱，行到嚟三楼摩登世界个头，就俾呢间隐世啲嘅铺头吸引咗。佢冇好花巧有好多gimmick嘅产品，都系有普遍嘅纯茶同芝士奶盖咁。我同朋友分别叫咗杯芝士四季春同黑糖珍珠鲜奶。先讲我个杯四季春，我系叫咗无糖嘅，所以更加饮到茶底嘅甘醇，而面头嘅芝士奶盖都好浓厚，系饮落咸咸甜甜嘅浓郁芝士味，唔系有啲铺头嘅奶粉奶盖，我好喜欢💕配上清新嘅四季春，饮落唔会腻！朋友个杯黑糖珍珠鲜奶饮落都好香滑，铺头用咗奶味重嘅鲜奶，虽然系黑糖饮唔冇得转甜度，以我平时饮嘢会走开糖嚟讲饮落都唔会好甜，而且珍珠都好烟韧，唔会一pat嘢咁。呢间铺头虽然少啲人提，但绝对有惊喜，价钱都比较适中，值得去惩罚惩罚💛