影片
更多
2020-06-03
434 浏览
以前细个都冇咁钟意食呢啲咸酸野，但自从试过酸菜鱼之后突然对酸菜呢样嘢刮目相看。呢日突然好想食酸菜鱼，但一个人又去唔到啲咩餐厅，就去到东广场觅食。呢间小店定位其实有啲摸不清，又有叉烧拉面、醉鸡卷、竟然又有酸菜鱼。所以就试咗一个酸菜鱼面（送杯荞麦茶）做午餐。其实小店主打系外卖，不过要堂食的话个老板都几nice，会开位俾你（虽然只系坐喺路边）又竟然唔系用胶碗，$45算系咁。酸菜鱼面用嘅只系龙利柳，虽然同大餐厅𠮶啲冇得比但系够晒滑又淋易入口。酸菜汤同平日食开嘅唔同，冇辣味反而劲多酸菜，所以钟意食酸嘅朋友应该会钟意，但个人意见就多得滞啦。不过佢本身个汤底都几易入口，应该不含味精。配上嘅幼身白面有少少似日本拉面，不过不失啦。我觉得酸菜鱼都唔算呢间餐厅嘅主打，所以觉得普普通通。不过见佢都多人买外卖，都有兴趣试吓佢其他食品。
呢间小店定位其实有啲摸不清，又有叉烧拉面、醉鸡卷、竟然又有酸菜鱼。所以就试咗一个酸菜鱼面（送杯荞麦茶）做午餐。
其实小店主打系外卖，不过要堂食的话个老板都几nice，会开位俾你（虽然只系坐喺路边）又竟然唔系用胶碗，$45算系咁。
酸菜鱼面用嘅只系龙利柳，虽然同大餐厅𠮶啲冇得比但系够晒滑又淋易入口。酸菜汤同平日食开嘅唔同，冇辣味反而劲多酸菜，所以钟意食酸嘅朋友应该会钟意，但个人意见就多得滞啦。不过佢本身个汤底都几易入口，应该不含味精。配上嘅幼身白面有少少似日本拉面，不过不失啦。
我觉得酸菜鱼都唔算呢间餐厅嘅主打，所以觉得普普通通。不过见佢都多人买外卖，都有兴趣试吓佢其他食品。
酸菜鱼面
$45
36 浏览
0 赞好
0 留言
张贴
