影片
更多
2021-09-17
799 浏览
首先服务态度差当日我哋系比较晏入去食饭，大概系夜晚9:15左右。一入到去枱上面冇菜单，叫个侍应攞菜单，个侍应将个菜单飞落枱面。之后催我哋落单，我哋同佢讲话唔好意思我哋仲倾紧，跟住佢黑面再加翻左我哋一个白眼。后尾落单嘅时候，佢话冇呢样冇果样𠮶时我哋已经萌生退意，但都算啦，横掂我哋都坐低咗，所以我哋就嗌左两个饭再加一个菜心炒牛肉外卖。食饭途中佢突然间上咗一个我哋冇落order嘅饭，当时我哋枱净系得两个人，仲要已经食紧两个饭，请问何黎嗌第三个饭呢…… 系佢攞走返个碗饭之后，帮我哋落order嘅侍应就过咗嚟，喺度质问我哋话确定我哋有嗌到个碗饭，冇错系质问，𠮶个侍应两只手撑喺我哋张枱度讲：「乜你啱啱唔系嗌咗个碗饭咩？」跟住我就好详细咁样讲咗啱啱落单嘅情况，百分百肯定我哋系冇嗌到个𩠌，仲讲埋一人一碗饭嘅逻辑，跟住佢就死口唔认，喺度讲：「咁唔关事㗎，我明明听到你落咗㗎，如果唔系我都唔会落啦！」当下真系一头问号，首先我哋成枱人都好肯定我哋冇嗌，然后𠮶碟饭嘅饭名我哋平生听都冇听过，我哋连有呢碟饭嘅存在都唔知，请问系点样嗌出嚟嘅呢？我哋唔系需要五星级嘅服务，但起码收埋啲黑面同反白眼，以及生安白造嘅生炒牛肉
当日我哋系比较晏入去食饭，大概系夜晚9:15左右。一入到去枱上面冇菜单，叫个侍应攞菜单，个侍应将个菜单飞落枱面。之后催我哋落单，我哋同佢讲话唔好意思我哋仲倾紧，跟住佢黑面再加翻左我哋一个白眼。后尾落单嘅时候，佢话冇呢样冇果样𠮶时我哋已经萌生退意，但都算啦，横掂我哋都坐低咗，所以我哋就嗌左两个饭再加一个菜心炒牛肉外卖。
食饭途中佢突然间上咗一个我哋冇落order嘅饭，当时我哋枱净系得两个人，仲要已经食紧两个饭，请问何黎嗌第三个饭呢…… 系佢攞走返个碗饭之后，帮我哋落order嘅侍应就过咗嚟，喺度质问我哋话确定我哋有嗌到个碗饭，冇错系质问，𠮶个侍应两只手撑喺我哋张枱度讲：「乜你啱啱唔系嗌咗个碗饭咩？」跟住我就好详细咁样讲咗啱啱落单嘅情况，百分百肯定我哋系冇嗌到个𩠌，仲讲埋一人一碗饭嘅逻辑，跟住佢就死口唔认，喺度讲：「咁唔关事㗎，我明明听到你落咗㗎，如果唔系我都唔会落啦！」当下真系一头问号，首先我哋成枱人都好肯定我哋冇嗌，然后𠮶碟饭嘅饭名我哋平生听都冇听过，我哋连有呢碟饭嘅存在都唔知，请问系点样嗌出嚟嘅呢？
我哋唔系需要五星级嘅服务，但起码收埋啲黑面同反白眼，以及生安白造嘅生炒牛肉饭定唔知生牛肉炒饭。
然后啲饭真系好难食
咖喱唔知点解会有薄荷味，星洲炒米唔知点解会有水，最搞笑系个菜心牛肉外卖，本身以为佢$68得几条菜同牛肉，返到屋企睇返张埋单纸先发现原来佢系有写配白饭，但系个饭就完全消失咗。𠮶个菜心炒牛肉嘅牛肉冇牛味，只有油味。
总结讲唔明点解有咁多好评
冇饭嘅菜心炒牛肉
$68
32 浏览
0 赞好
0 留言
张贴
