影片
更多
2015-02-19
4257 浏览
食铁板烧除左系味觉嘅享受外，亦系视觉上嘅享受。一边享受日式美食，一边欣赏师傅的厨艺，每道菜之间更有足够时间让你与友人小嚼几杯，顿时变得悠闲起来，是人生一大乐事。点了一个2人餐，$798，抱著不少期望，结果绝对没令我失望，更充满惊喜！叫了2杯cocktails, 佢落好重酒，酒味非常浓。若不喜太多酒味可要求减少酒之份量。墨鱼子鹅肝蒸蛋造型有心思，味道非常浓郁。食落口非常之热，质感软滑。虽然入面只得一小块鹅肝，但鹅肝既油香浸满成个蒸蛋，而且一啲都唔酥，蛋嘅香味同鹅肝非常之夹。银雪鱼煎得好香, 两面金黄。肉质好鲜嫩，咬入口滑嘟嘟，香味四溢。银雪鱼独有既味道有别于一般嘅鱼类，就算系唔欢喜食鱼既人亦会对佢产生钟爱，绝对必试。大虾虾肉大大旧而且美味多汁，绝对令人想慢慢品尝，细细咀嚼。虾肉爽口嫩滑，非常新鲜。只系略嫌放得太多油，令到放入口时有啲油淋淋。带子带子好大粒，师傅将佢一开四，上碟嘅时候用好多汁同油浸住。相比起前两款海鲜，带子则有点儿失色，鲜甜度较为不足。重点推介！牛柳粒配蒜片！佢嘅牛柳绝对有资格称得上best of the best。要揾好味嘅嘢食唔难，但好味到会产生一种幸福嘅感觉绝对系可遇
食铁板烧除左系味觉嘅享受外，亦系视觉上嘅享受。一边享受日式美食，一边欣赏师傅的厨艺，每道菜之间更有足够时间让你与友人小嚼几杯，顿时变得悠闲起来，是人生一大乐事。
点了一个2人餐，$798，抱著不少期望，结果绝对没令我失望，更充满惊喜！
叫了2杯cocktails, 佢落好重酒，酒味非常浓。若不喜太多酒味可要求减少酒之份量。
墨鱼子鹅肝蒸蛋
造型有心思，味道非常浓郁。食落口非常之热，质感软滑。虽然入面只得一小块鹅肝，但鹅肝既油香浸满成个蒸蛋，而且一啲都唔酥，蛋嘅香味同鹅肝非常之夹。
银雪鱼
煎得好香, 两面金黄。肉质好鲜嫩，咬入口滑嘟嘟，香味四溢。银雪鱼独有既味道有别于一般嘅鱼类，就算系唔欢喜食鱼既人亦会对佢产生钟爱，绝对必试。
大虾
虾肉大大旧而且美味多汁，绝对令人想慢慢品尝，细细咀嚼。虾肉爽口嫩滑，非常新鲜。只系略嫌放得太多油，令到放入口时有啲油淋淋。
带子
带子好大粒，师傅将佢一开四，上碟嘅时候用好多汁同油浸住。相比起前两款海鲜，带子则有点儿失色，鲜甜度较为不足。
重点推介！牛柳粒配蒜片！
佢嘅牛柳绝对有资格称得上best of the best。要揾好味嘅嘢食唔难，但好味到会产生一种幸福嘅感觉绝对系可遇不可求。肉质淋得泥又能够有适当嘅咬口，非常鲜嫩多汁。当牛柳既香味系囗内飘逸，实在令人有种说不出的感动。到底有几好味有几幸福，绝对值得大家亲身去体会。
炒饭
其实味道不错，但较为平凡，而且唔系用肥嘟嘟嘅日本米，相比起之前嘅菜式则显得有点失色。
甜品：牛奶木糠布丁
''结挞挞''嘅质感形成一种好特别既口感。牛奶味非常浓郁，配合面层嘅木糠绝对系味蕾一大享受。
值得一提嘅系佢嘅酱汁亦非常美味，尤其欣赏白色果款，系mayonaise加咗好多野菜入去，非常醒胃。
张贴
