六本渥日本料理鐵板燒+爐端燒 (已易手) 新餐厅

六本渥位於尖沙咀格蘭中心地庫，裝修以代表著時尚的黑色為主，環境氣氛份外有格調。空間感十足，每張檯相隔一定距離，為客人保留私人空間。廚師用雞蛋整了生日快樂的字樣我預期比較高，以為會整什麼特別的東西。這個對比其他鐵板燒餐廳，比較簡單。鐵板燒和牛鐵板燒鮑魚鮑魚很新鮮，很肥美。鐵板燒大海虎蝦🦐虎蝦燒得剛剛好，不會很乾身。黑魚籽鵝肝蒸蛋雞蛋蒸得很滑，很香雞蛋鵝肝味。 生日有八折優惠，會送紅酒一支，適合一大班人去慶祝生日🎂

因為朋友介紹黎左六本渥，表示好味又抵食，一於黎試試佢。鐵板燒得2round，6:00同8:30。我地book左位，6點到。餐廳入面空間好大，分咗兩邊，一邊做鐵板燒，一邊做爐端燒。咁我哋就叫咗個飛驒牛鐵板套餐 (二人前)。一落咗單後，侍應首先送上沙律前菜，一個係餐單上有既沖繩海葡萄沙律。另一個係海蜇粉絲沙律，呢個組合意外地唔錯，但個醬味道就比較濃。刺身盛合(三文魚, 油甘魚, 海膽, 甜蝦)啲刺身都幾新鮮。我哋食完個刺身無耐，師傅就嚟咗喇。 一開始見佢倒咗一大堆嘅蒜片加水去炒，仲以為係為嚟緊嘅菜式做準備。原來係炒蒜作為小食，食落好脆好好味。我哋邊食住炒蒜片，邊睇佢整下一道菜。黑魚籽鵝肝蒸蛋呢個配置好特別，係雞蛋殼入面加蛋漿再加鵝肝去蒸，最後再加上黑魚籽。 配合蒸蛋嘅鵝肝保留咗原有嘅味道，但油膩感冇曬。大海虎蝦虎蝦嘅口感好實好Q彈!!!蝦身比較容易熟，所以一開始就會整好比我地。喺食緊嘅時候就等蝦頭熟透，食埋佢個膏。活鮑魚仔鮑魚美中不足係鐵板味比較重，稍微蓋過咗佢個鮑魚味。但食得出鮑魚本身材料質素都唔錯既。飛禪牛肉薄燒薄片真係薄到師傅擺上去燒一燒就已經拎返上嚟。師傅係用牛肉薄片去包住蔥同蒜，

本身經半價網訂枱，但帶點取巧囉，九成似嘅菜單，半價後卻比正價貴兩百，乜玩法？我們還是選正價的驒馬牛餐。刺身，蒸蛋，海鮮（鮑魚海蝦👍🏻）炒飯都好味牛味比較淡。 醬汁不特別好味，沒有加分位⋯整體都可以試！

公司年尾收爐Lunch，老闆話平時見到好多人去呢間餐廳，我地又未去過，所以膽粗粗去試下初初打算食set，但天氣咁凍，老闆話食d暖野，食豪d，揀左食鐵板燒Lunch set有3款揀，2款係$148，1款$288，我地揀左$288餐，仲有自助沙津和飲品吧前菜，沙律，大海虎蝦，日本帆立貝/活鮑魚仔，安格斯牛柳/薄燒牛肉，牛肉炒飯/炒麵，炒野菜，味噌湯以呢個價錢，有師傅喺見前即時燒，都幾抵食~牛好食~ 入口即溶

今日想去太空館睇美國國家公園既片，所以就上左某個app揾附近既餐廳食，見到6點呢間餐廳訂枱有5折，所以就黎試下啦。我地5點幾就到左，當時仲未開始所以就去左等候區既梳化坐，地方都幾大，環境都5錯。坐左一陣就有人黎帶位啦。一坐低望個meun，乜都想試下，又想食魚生，又想食燒野，又想食火鍋同甜品，但冇一個二人套餐可以滿足佢所有願望😅所以最後我地叫左個16xx既四人合家歡套餐，果度既員工見我地2個人叫4人餐，完全係好驚訝，仲勸我地叫二人餐再散叫，但最後都決定叫4人餐。首先黎左個好普通既前菜然後上左魚生，都幾新鮮同冇筋位。鮑魚都燒得幾淋幾好，但配既醬汁有d苦。鱈魚似二人份多過四人份量，魚肉燒得幾滑仲有少少汁，都5錯。牛肉鍋就好普通，牛肉有d 靭親子飯=滑蛋雞飯，都好普通。味噌湯，好普通，有d淡。個甜品，木糠奶凍幾好味，我地仲食晒四人份tim。原本要16xx再加一服務費，但用完某app只需要10xx，服務費係原價10%，總括而言，食物質素同服務都算ok。

今日朋友仔生日，又係要諗食乜既時侯，朋友仔三心兩意，最後都係等我決定啦。依間餐廳就非常適合啦，晩餐鐵板燒黎講，價錢算好合理，有晒鮑魚， 飛驒牛，太適合去慶祝啦。飛驒牛鐵板燒套餐$888/2人先有 沖繩海葡萄沙律，依串綠色既粒粒，其實係沖縄名物海葡萄，囗感一粒粒，脆卜卜嫁，食少少沙律就準備食主角啦。第一個菜係墨魚籽鵝肝蒸蛋，女廚師係鐵板上蒸蛋，將蛋液放係蛋殼，好特別嫁。入面仲會有鵝肝，同放上墨魚籽，好高貴嫁。而海鮮方面就有大海虎蝦，活鮑魚仔。虎蝦真係好大隻啦，女廚師超快起左條腸同內藏，快速燒一燒，咁就食得啦。啲肉超級彈牙，質素好高！ 活既鮑魚仔都好大隻嫁，由於佢原本係生既，不斷咁郁，燒後既肉質好彈牙同結實，真係好食嫁！！鐵食咁多肉，最後食番下菜先，生菜同芽菜好夠火侯，而且好甜，都幾新鮮。味噌湯入面仲有蜆肉仔，估唔到喎。甜品方面就係木糠布丁，雖然好似同鐵板燒唔太夾，但都唔錯既。

位於尖沙咀的六本渥日本料理鐵板燒+爐端燒，是一間提供鐵板燒料理和爐x燒料理的日本餐廳。是日下班後，決定要放鬆一下，品嚐我喜歡的飛驒牛，安慰自已勞碌工作的心，哈哈。飛驒牛鐵板燒套餐$888/2人價格非常便宜的 飛驒牛套餐，在香港吃過不少日本牛肉鐵板燒，這間餐廳算是當中最便宜最掋食的唷！套餐包括: 沖繩海葡萄沙律，刺身盛合，墨魚籽鵝肝蒸蛋，大海虎蝦，活鮑魚仔， 飛驒牛肉厚燒， 飛驒牛薄燒，黑松露炒飯，鐵板日式野菜，味噌湯，甜品。刺身盛合包括: 三文魚，油甘魚，海膽，甜蝦。刺身類質素平平，不算太過出色，但總算新鮮厚切，三文魚腩魚脂豐富，脂香充足，油金魚肉爽厚肉，囗感很好呢。飛驒牛肉厚燒，廚師落酒後大火一燒，火光紅紅，猶如看表演一樣，很精彩阿。飛驒牛表面即時燒焦，香噴噴，內裡保持粉嫩的顏色，一咬油脂和肉香四溢，脂香沖擊囗腔，好肥美阿。飛驒牛肉薄燒，廚師把香蔥等配料捲入牛肉，微微一煎，即能上碟，牛肉油份豐腴，薄薄一片，在囗中緩緩溶化，太幸福啦。每次吃鐵板燒，我最期待的是炒飯。能把米飯炒得粒粒分明，粒粒乾身，粒粒吸收配菜和醬汁的味道和精華，絶對考驗廚師的功力。這碗黑松露炒飯深得我心，米粒經調味後，

約朋友六點食飯，朋友有個app可以半價book嚟食（當然要照正價加一啦），一坐低，原來半價係另外有個Menu俾你，不過有龍蝦嘅嘢呢，就冇半價啦，其他Menu上嘅野都係要照正價，但其實半個咩秒都已經好多選擇，我哋叫咗好多嘢食，全消，點呀，仲有雪糕，整體所有食物都好正。特別係個海膽天婦羅，夠特別。最最最鍾意係個椰子雪芭，叫咗兩個，因為真係超香。環境方面，夠正夠舒服，而且冇限時，最適合兩三個人傾吓計。而且服務態度都非常好。

當日一行四個人，諗住去食生日大餐，雖然已經係有半價優惠，但食唔飽而且最終食咗大概$770，雖然已鐵板燒來講唔算好貴，但啲嘢食真係非常一般，材料唔在講，分量亦好少，頭盤鐵板蝦好多沙律醬蝦肉好少，tempura得幾舊唔掂，燒魚比較OK，個海膽炒飯真係唔掂啲飯好似唔熟食完仲頂胃，坦白講雖然服務水準算OK，但整體實在麻麻，肯定唔會再去，其實當我地一去到全場只有兩台客我哋都覺得有啲中伏，食完之後果然同預期一樣....

琴晚同朋友4個人book左呢間野食，見eatigo 話有discount 又有frds 推介 就去左食啦 睇餐牌有折果啲揀唔岩 因為我糧尾呀😭 我地揀左個4人餐 食到好鬼飽 本身想叫個3人餐4個食 但係4人餐抵食啲 我地由前菜 刺身 開始食 仲食緊前菜 茶碗蒸果陣已開始飽飽地 🤤🤤🤤成晚個set 都好好味 係個茶碗蒸差左少少 同埋最尾上嘅牛肉飯 可能有我自己唔鍾意食嘅青椒係度 所以覺得一般 其他都好正刺身 有海膽果啲😋睇相都流口水 同埋服務態度好好 環境舒服 坐低傾計 慢慢食慢慢傾 咁計返條數都ok ar有好多樣野食 但唔記得影 掛 住 食

日式鐵板燒平日好難食到, 因為如果要食到飽會很昂貴！！今次仲同男朋友食飛驒牛鐵板燒, 應該貴上加貴, 不過有專員係你面前即煎即上枱, 熱辣辣送到你面前, 再貴都值得啦！！今日男朋友帶左我去尖沙咀嘅六本渥, 精彩的一餐開始啦!!沖繩海葡萄沙律~Fresh 刺身盛合(三文魚, 油甘魚, 海蝦同甜蝦)~肥美彈口又鮮甜！！黑魚籽鵝肝蒸蛋~黑魚籽鹹鹹地, 質感好得意, 蒸蛋好滑溜, 鵝肝大件D就好啦！！長蟹腳~份量好多, 好多蟹肉, 好鲜味！！活鲍魚仔~好新鮮彈牙！！飛驒牛肉厚燒~好好味道呀,好厚身, 煎得香脆, 入口即溶咁, 好幸福呀！！飛驒牛真係與别不同！！黑松露醬野菜炒飯~好有黑松露濃香！！鐵板炒日式野菜~中和食太多肉的油膩感！！蜆肉味噌湯~偏鹹！！木糖奶凍~有驚喜！！好有奶味,超滑, 個樽仔超别緻！！

上班族經常苦惱中午用膳地方，用膳最緊要4大元素「平.靚.正.快」。而在尖沙咀工作的更經常捱貴飯，想平少少可能就要到茶餐廳。但當天就比我和朋友發現了一間性價比頗高的日本餐廳。不但美味，而且上菜速度頗快、價錢合理和舒適座位。最吸引我的是逢點選任何午餐即可享用自助沙津和飲品吧，此優惠更適用於星期一至日。所以非常想介紹比大家參考下：）但提提大家如果想在假日或公眾假期享用午餐，建議要預先book枱。門口放有餐牌供大家參考餐廳12時開門，當天我和朋友大約11時50分到達，是頭一二位客人，但餐廳看似已經準備好營業，店員已準備就緒，所有餐具已擺放好。一進去店員問：「黎食鐵板燒定和食？」因為餐廳已為鐵板燒和和食分為2個區域，店員會因應你所選擇的以帶領你到該區域。和食區大堂大約有6張4人枱、4張卡位、2間房間和1個刺身吧枱。鐵板燒區有3張鐵板燒枱個人枱面上已放有筷子、叉、已腌製椰菜（前菜）和綠菜牛肉火鍋：溫度屬熱，份量比想像中大，細食既朋友們可能可以當2人餐享用，而且火鍋裡頭材料非常豐富，有冬菇、肥牛、粉絲、京蔥、娃娃菜、白菜、豆腐、金菇、胡蘿蔔和雞蛋。湯底則是甜甜的醬油湯，淡淡的甜味帶起所有食材的鮮味，

鐵板燒師傅根本唔識最基本嘅日式鐵板料理，簡直浪費食物及尊重，新鮮龍蝦炒出黎不如急凍蝦 過份熟透 失去本身龍蝦鮮味 口感好靭，鵝肝入口如同飲油，銀雪魚兩面煎黑 之後廚師刮走濃左既黑焦仲俾人食，食一啖就唔想食第二啖，鹿兒島豚肉生渣，龍蝦頭麵豉湯不如大排檔例湯影響鐵板燒文化，可以講醜化，價錢唔重要，重點係服務質素差到極，有史以來食到最倒霉嘅鐵板燒，食到一半買單走人，但貴餐廳不但沒有道歉 仲收足套餐全數，本人認為沒有享受到基本質素 所以提出吾會比10%服務費，下不為例，各位請小心小心。當日無影到廚師，所以借用左其他人既廚師相。

一共八個人入去，朋友介紹嘅就試吓啦因為之前俾咗啲相我睇，收工我最遲去到佢哋已經食緊，都係啲小食，八個人圍住個鐵板燒爐所以好難傾到計，一去就見到師傅喺度炒緊蒜頭片，但係已經有啲小食喺度食緊，兩碟八個人分嘅雞軟骨丶雞泡魚干丶炸魚鱗！小食丶完全冇驚喜10分普通跟住首先嚟咗個海葡萄沙律呢個沙律唔錯嘅個海葡萄好食跟住就係之前我睇相俾佢吸引住嘅黑魚子蛋原來希望越大失望越大，因為根本就好冇特別！仲要隻雞蛋冇乜雞蛋嘅味道四個人兩碟刺身平盤，真係每人都食唔到兩件不過呢啲地方的而且確係正常嘅嗰個海膽唔得苦㗎有一個拼盤，八個人兩碟少少鰻魚丶一舊仔雞扒丶四條秋葵丶一開四冬菇丶煙肉蘆筍卷丶四粒牛樓粒呢度除煙肉蘆筍之外其他野都係好過中可以唔使試飛驒牛呢個好食炒飯唔好食 好鬼油 鐵板牛粒好正真係想食多d鐵板飽魚每人半隻,口感OK馬刀貝冇味炒雜菜不錯白飯魚紫菜我係我睇咗朋友張相之後第二樣想食嘅嘢完全唔好食，失望到死鮑魚紙火鍋食咗咁多油膩野食呢個淡味反而幾好叫咗幾杯啤酒跟住每人$780地方環境幾好唔錯食物質素並唔係想像中嘅高水準

今日同老婆結婚週年紀念， 諗住尖沙咀食下鐵板燒， 行過加拿芬道格蘭中心，見到有間幾特別喺正 商場入面 地庫， 於是入去試下， 落到去之後環境幾特別， 有日本格調， 侍應都好有禮貌， 之後安排咗我哋坐一張鐵板烧位， 服務員叫我哋啲 外套及手袋可以放喺個櫃裏面, 避免可能有煙嘅關係會有陣味， 之後就介紹我哋食， 我睇完個menu之後， 就叫咗個海鮮套餐,見落都幾抵食呀,加多100蚊有任飲清酒或啤酒兩小時， 之後就上前菜刺身，跟住有個師傅就係鐵板燒面前再煮主菜， 全個過程有講有笑與顅都好融合， 不會好似其他鐵板燒餐廳師傅，只係煮，冇同顧客一齊互動。 另外每食完一樣嘢就會換碟， 服務好好。 如果同朋友嚟食一大班亦都係一個好選擇。