竹面譜

营业中

休息中

支持良心小店，今次嚟到太子嘅呢间餐厅，本身系食港式粉面，但竟然有梦王和牛丼食，价钱仲非常亲民添！一于试吓佢个花胶二人餐！ 鲍汁冬菇花胶米线燘得好够火候，冬菇同花胶都入晒味。冬菇大只饱满，花胶腍得嚟有韧度，唔腥，处理的好好。 梦王和牛丼用可以生食嘅日本梦王蛋拌饭，蛋黄饱满，蛋香劲浓郁，果然系日本人年度公投刺身蛋拌饭第一名！和牛片好肥美，肉质幼嫩。 脆炸鲜奶卷新鲜炸起热辣辣，外脆内软，少少甜，点埋炼奶味道更丰富。炸鲮鱼球店长推介，又系新鲜炸起，鲮鱼球弹牙，鱼肉味香。蚬蚧酱起到提鲜嘅作用。 去湿茶餐厅有三款自家鲜制凉茶，今次试咗去湿茶，用云苓、白术、扁豆衣、南枣、泽泻等材料煲成，清热去湿。有机会可以试埋清心火同金银菊花薏米。