鼎記 (已結業)

两口子喺旺角睇完戏，忽然想食啲住家小菜，转入花园街就见到鼎记，一于入内医肚。店内有个霓虹光管写住「招牌鸭腩面」, 非常吸引眼球。店舖内部阔落 好想开吓胃，于是点咗菠萝生炒骨，大大件咕噜肉，炒得够火喉，唔会太干，个甜酸酱汁系师傅自己调较的，酸甜适中，配合菠萝、洋葱及青椒，送饭一流。另一个小菜系粟米班腩，非常地道，班腩蘸上薄薄嘅炸桨，炸得啱啱熟透，粟米芡汁唔会太稠身，味道配合，能够突显鱼块鲜味，份量亦啱啱好。要提提个例汤，侍应话系冬瓜猪骨汤，消暑又美味，值得饮多啖。饮品方面，冻鸳鸯够冰冻，可以更浓鸳鸯味另一杯系咸柠七，大大粒咸柠檬，按自己口味可调较咸酸度。餐厅近期推出鸡煲、川味鱼及沙姜鸡套餐，下次再试。