福元湯圓

营业中

休息中

一家人提早喺屋企做中秋节，家人买咗生料芝麻汤丸做饭后甜品，一盒10粒配上两小碗姜味糖水。开炉水滚后放生料芝麻汤丸，当汤丸浮起就捞起来备用。用煲加热姜味糖水，因为我个人比较钟意姜辣味，所以另加咗几块薄薄姜片，糖水滚起就落已煮起汤丸再稍微闷煮1、2分钟之后就食得，非常方便。姜味糖水入口顺喉，甜味啱啱好，而且姜味好出，姜嘅辣味微微刺激，但系一啲都唔会呛喉，饮一啖就即刻感觉暖烘烘。汤圆咬开一半，汤圆皮口感烟韧软糯，香滑流心芝麻馅即时涌出，黑芝麻味道香甜浓郁，口感粘稠顺滑，会令你忍唔住一粒接一粒放入口。一整粒放入口时，流心芝麻馅一爆而出，芝麻香气由口腔冲上鼻腔，稠滑黑芝麻馅充斥成个口腔，𠮶刻真系唔舍得吞咗佢落肚，想再嗒耐啲。第一次食已经爱上，有机会一定会去舖头帮衬。