茶木‧台式休閒餐廳 (康怡廣場北座)

营业中

休息中

茶木其他分店食得多，康怡呢间新开左几个月所未食过，今日经过见唔使排队就一于入去试下啦！虽然唔使排队，但我地2个企左喺门口一阵都冇人理，收银同蛋糕柜两个职员望住份文件讲紧野，对我地视而不见，几经辛苦终于入座打开餐牌吐司得三种，芒果，士多啤梨同埋tiramisu味。以前食过其他分店有好多味有绿茶味，唔知系咪改晒menu定净系呢间冇呢。叫左个waiter黎落单，讲左食物名，佢叫我地揾返个number俾佢....感觉唔系好pro，仲要命令个客打返开menu揾答案俾佢...我地拣左tiramisu味，大约10分钟就上菜，脆卜卜好香好好味。饮品叫左紫薯latte，好香唔太甜，性价比高。热带水果茶个壶比以前细左，同埋好酸饮唔到，入面d水果唔太吸引，麻麻地。