星鍋 火鍋•餐酒館 by VSING (已結業)

同朋友食生日饭，佢话想搞搞新意思，知佢系Ｋ迷，想俾个惊喜佢，于是带左佢黎呢间有得边食边演唱嘅餐厅。开头只同佢讲打边炉食餐饭，黎到佢见到个咁有ＦＥＥＬ嘅舞台已经ＨＩＧＨ左！食材方面，估佢唔到咁出众，卖相非常用心，而且极具质素，干净又新鲜。我地点左三种牛肉，包括生牛肉刺身，手切牛腹肉，同埋手打牛丸。粒牛丸好有惊喜，入边好似有馅料，应该喺鹅肝酱黎嘅，仲要用个骰盅上。佢个现炸紫菜响铃都好新鲜香脆。另外我点左268嘅招牌卜卜蚬锅，超鲜甜同埋冇沙，劲好食，仲有半支啤酒俾我饮埋佢。餐牌见到有一人一锅蕃茄龙虾汤，大大只波龙喺入面，98蚊我觉得超抵。呢间餐厅嘅食物真系冇得弹，样样都有惊喜！点歌的体验都非常好，只需要ＤＯＷＮＬＯＡＤ佢个ＡＰＰ，唔洗写纸仔或走出去入歌，唔洗怕丑，到你首歌就出去唱啦！朋友忘我演出时，唱到咁上下突然见到有喷烟效果，佢一个自信笑容难掩心中狂喜，唔知佢知唔知道呢个其实系我呢个老友「课金」送俾佢的奖励啦，ＬＯＬ。总括来说，真是一个很难忘和特别嘅体验，想做歌手，唔一定要出街ＢＵＳＫＩＮＧ嘅，黎打一次边炉就可以尽情演唱。📍#星锅 •餐酒馆 by VSING @singpot_by_vsi