銀座梅林 (已結業)

两星期前同朋友嚟新开嘅银座梅林试下有几特别。首先，间舖嘅位置都几难揾!如果喺K11商场度落B1𠮶层，系无通道通去餐厅嘅。要先落去B2,再喺霞飞点心拉面对面嘅通道搭返电梯上B1先见到间餐厅。又或者喺地面碧仙桃路入口有条电梯直达去B1。我地一行6人，接待员安排咗张卡位比我地。但系张卡位枱，根本就坐唔到6个人。睇落张枱嘅size同其他4人卡位系一样大，所以我地都坐得好辛苦下。今次我地每人分别叫咗一个定食，另外仲叫咗两客梅林猪扒三文治同一个5点刺身。梅林猪扒三文治 ($68): 呢个真系几好食，不过$68份三文治，我觉得贵咗d啰!5点刺身 ($248): 无鲜味，剩系食到一堆雪味!吉列黑豚猪扒定食($158): 好厚身，几松脆。不过肥膏略嫌多咗d，食到成口油咁!吉到虾定食($168): 个吉列皮用自家制新鲜面包糠炮制，系就系好脆，不过食落好似干咗d!不过佢个面豉汤几好饮。老实讲，我觉得大家差唔多嘅价钱，Tonkichi 好食d啰。虽然梅林个猪扒汁系自家制，但就缺少咗d芝麻味，无咁香啰。 同埋佢d猪扒比较多肥膏，好油腻。