塩玉居酒屋 (已結業)

铜锣湾楼上日本料理店比比皆是，今晚嚟到呢间主打＂盐＂ＧＥ居酒屋。整亲饭老板都会热情推介不同的酒与食物，但＂盐＂ＧＥ介绍就冇乜 (X.X!!)　餐厅环境一般，灯光比较暗，餐碟同水杯亦以黑色为主，感觉有啲过沉～刺身系新鲜，特别系ＴＯＲＯ同牡丹虾，真系值得食。海胆一般有少少腥，叫刺身并盘抵过叫一板（一板要近＄６００）。食完原条鱼刺身，用咗个头做咗个ＭＩＳＯ　ＳＯＵＰ，里面有好多菜同豆腐，好鲜甜软壳蟹沙律亦做得到位～串烧方面整体不过不失，叫几款佐酒无妨，但食完你唔会有记忆。老板诚意推介的炸蛋天妇罗ＧＩＭＭＩＣＫ十足，外面系脆皮里面系流心蛋黄，可惜今晚败笔在于洒盐不均最后每人一个鲜果雪芭，除咗椰子食到较近原物的味道外其他都只有糖水味，唔推荐！