丹麥餅店

营业中

休息中

係熱辣辣天氣又再係銅鑼灣出沒，行左陣街4點幾見有少少餓，就去左丹麥餅店食出名既熱狗同魚柳包。 再上一次食已經係1，2年前既事。見住師傅將個包烘熱再擦上沙律醬放埋熱狗腸。 雖然天氣悶熱， 但近距離睇住自己既食物出爐就好開心。咬左1啖，老公就問點解冇茄汁醬， 但我1D 都唔覺得少左蕃茄醬係損失。個沙律醬少少租帶一點酸味， 食得出係自家制， 個麵包烘熱左加上醬同腸， 成件事已經好完美， 唔需要有蕃茄醬。再食魚柳包， 同樣既沙律醬但加上左蕃茄醬同厚身魚柳。但我反而覺得蕃茄醬係多餘左， 魚柳係成塊有厚度， 但魚肉偏硬， 我都係比較鍾情熱狗。