影片
更多
2015-04-28
267 浏览
原本都唔打算要写呢间野o既食评,但系唔讲出黎,我担心大家会有一样o既经历朝早出完街返黎食下午茶,见佢都开左一段日子,于是黎试下入座时得3枱客,相比附近其他食肆,呢度真系好少人通常去呢类点心舖,佢都会俾一壶茶你自己慢慢饮,但呢度就唔系,你饮哂o个杯佢就加俾你,位位$3.所以唔知自己饮紧咩茶,亦觉得咁o既方式唔系太好.叫左以下几样:泰式肉松炸两牛肉球烧卖(大粒o个只)鸡包仔个炸两第一个到,皮稍厚,入面条油炸鬼"林"得好紧要,不过肉松都算唔少;问题就系佢d肉松系铺面,如果包埋o系肠粉入面就会食得冇咁狼狈.点豉油系点极都唔觉得有味,只系黑色o既汁...烧卖话有虾o系入面,但咁大粒烧卖入面只虾都系好细,感觉就系平时o既烧卖放大版.味道冇乜特别,而且因为佢大粒左所以觉得自己食左好多猪肉.鸡包仔冇乜馅,味道一般,皮比较厚.最后牛肉球,我谂系最好食o个样,都几大粒,同埋个喼汁真系有喼汁味o既.呢个moment就出事喇...正当我谂住可以食完抖一抖饮多两杯茶o既时候,大人示意佢脚边有只挣扎紧o既大小强 我即刻催佢快d走,虽然小强反左肚但唔代表佢唔会反返个身o系度四围走 劲惊出去埋单时同个疑似店长讲o
朝早出完街返黎食下午茶,见佢都开左一段日子,于是黎试下
入座时得3枱客,相比附近其他食肆,呢度真系好少人
通常去呢类点心舖,佢都会俾一壶茶你自己慢慢饮,但呢度就唔系,你饮哂o个杯佢就加俾你,位位$3.所以唔知自己饮紧咩茶,亦觉得咁o既方式唔系太好.
叫左以下几样:
泰式肉松炸两
牛肉球
烧卖(大粒o个只)
鸡包仔
个炸两第一个到,皮稍厚,入面条油炸鬼"林"得好紧要,不过肉松都算唔少;问题就系佢d肉松系铺面,如果包埋o系肠粉入面就会食得冇咁狼狈.点豉油系点极都唔觉得有味,只系黑色o既汁...
烧卖话有虾o系入面,但咁大粒烧卖入面只虾都系好细,感觉就系平时o既烧卖放大版.味道冇乜特别,而且因为佢大粒左所以觉得自己食左好多猪肉.
鸡包仔冇乜馅,味道一般,皮比较厚.
最后牛肉球,我谂系最好食o个样,都几大粒,同埋个喼汁真系有喼汁味o既.
呢个moment就出事喇...正当我谂住可以食完抖一抖饮多两杯茶o既时候,大人示意佢脚边有只挣扎紧o既大小强
我即刻催佢快d走,虽然小强反左肚但唔代表佢唔会反返个身o系度四围走 劲惊
出去埋单时同个疑似店长讲o个度有小强,佢只系好大声咁叫入面o既店员去睇下,彷佛唔信定唔觉得有问题亦冇唔好意思
虽然食肆有小强都唔系新鲜事,眼不见为净,不过佢地处理手法有问题,所以我就绝对唔会再黎帮衬
张贴