馬六

营业中

休息中

原来上次黎呢间马六已经系3年前，今晚收工经过就坐低食返餐。马六系做马拉野，餐牌有唔同种类既马拉特色面，油香饭，咖喱饭，饭，多款娘惹小食，饮品等，选择唔少。今晚少少饱，决定主打小食，一口气叫4款小食分享。桔仔香茅猪颈肉 $56桔仔香茅猪颈肉原来系炒菜，大概十条爽脆猪颈肉加埋青瓜同香茅一齐炒，再加上花生米，同桔仔汁，味道原来系酸酸辣辣地，好多汁，都几开胃，惊喜。传统手工乌打 $36传统手工乌打一客3件，用叶包住，入面系一条瘦长酿鱼肉，质感似肉丸，食落少少辣，带微微叶香。伴有清新车厘茄同青瓜粒。厚切香茅猪扒 $66厚切香茅猪扒一大块，热辣辣上枱，外皮少脆而肉质唔错，啖啖肉又淋，带少少骨，真心香口。伴有青瓜，车厘茄，脆口鱼仔同花生米。槟城五香卷 $42槟城五香卷一客6件，每件都大大件。块皮炸得酥脆又薄，入面系肥瘦猪肉丸，加上葱，都好香口。两三个人分就刚好。今餐食物质素唔错，只系叫小食都好满足。价钱街坊价，而且无加一。