Goobne Chicken (V Point)

营业中

休息中

已经唔系第一次黎食哩间韩国炸鸡店，之前食过几次，每次都能够保持质素，今次就黎试下铜锣湾哩间分店。铜锣湾店环境超级阔落，空间感十足，仲要有落地玻璃，可以望到海景，而且餐厅门口位置有沙发凳，就算等紧位都有地方坐。佢既炸鸡有好多款唔同既口味，今次同朋友就拣左我最钟意既蜜糖蒜香味。🍗蜜糖蒜香烤鸡（无骨） $205烤鸡上面加上唔少炸蒜，所以食落去好香蒜味，表皮香脆，用左酱油、蜜糖加埋蒜蓉一齐烤制，酱汁微甜咸香，非常入味，肉质亦唔鞋，味道的确唔错。🍳蟹籽沙律酱芝士鸡蛋卷 $128鸡蛋卷里面加上软滑既车打芝士同莫萨里拉芝士，芝士份量唔少，所以切开时可以见到些许拉丝效果，鸡蛋卷入口嫩滑，食落有层次，而且鸡蛋面头既明太子酱劲香，加埋蟹籽同埋沙律酱，味道好夹。整体黎讲，餐厅环境相当宽阔同舒适，仲要可以望到海景，而且食物亦有质素，值得一试。