天天海南雞飯 (ELEMENTS圓方)

营业中

休息中

早排黎过食lunch，其实好想试个酸菜石斑，但黎海南鸡餐厅唔食海南鸡又好似有啲过分，所以特登再黎试过。我同朋友18:30到，好在黎得早，转个头就full house 左。咁首先就梗系要讲下个酸菜石斑啦，上枱𠮶下已经bling bling左，因为眼见啲鱼块块都好大块同好厚肉。而且个鱼入口即融。不过最开心系因为佢用石斑所以无泥味，另外仲有好多菇同芋丝，呢个如果连埋饭食真系一流呀~之后想讲下个火焰椰子冬阴汤，上菜时侍应姐姐倒左啲酒喺个椰壳再点火，佢仲会用个转盘转个椰子，咁个著左火既椰子就系咁转。好啦睇完表演就要试味啦，酸酸辣辣真系好冬阴功，入面仲有好多料，真系饮完都少少饱~至于个黑松露墨鱼虾多士，佢真系有好香既黑松露味，上面加左麻酱，食既时候仲脆脆地好香口。而个海味豆腐都好味既，但令我有啲惊喜既位系上面既瑶柱系炸过既，好脆~最后就系个甜品啦，佢叫飞雪小白兔，其实唔知咩黎，不过佢英文系yoghurt，咁所以我就想试下啦，但原来其实系椰汁糕, haha, 不过个椰汁糕好好食，唔会太甜，而且卖相太可爱，唔舍得食。