Duck & Waffle (已結業)

早前去完中环码头返到去ifc就同朋友突然间想试吓英国嘅过江龙duck & waffle，未试过嘅我哋觉得呢个配搭都几新鲜，好想试吓佢哋嘅招牌菜究竟系咪真系咁好食。环境方面，因为餐厅位置高级，装修都比较奢华，而且座位好阔落，亦都有比较昏暗嘅灯光带点情调。而且员工都10分有礼貌，更加会主动推介唔同嘅酒同埋菜式。至于食物方面，招牌菜duck & waffle又甜又咸嘅组合确实新鲜，鸭肉都好滑又唔会太干，配合甜得来带一点清新嘅酱汁都几夹，但系就未去到好惊艳！反而其他菜式好似更加吸引，例如系由一片片薯仔炸成既薯仔砖反而真系好特别好香，估唔到普通嘅薯仔都可以整到咁好食