M3 Italian (已結業)

很少会到沙田围，今天无意中经过，见到M3这间餐厅几有情调，便入去一试。入到去果然布置得唔错，几雅致,灯光柔和，坐得很舒服。餐牌选择很多，有小食、pizza、意粉、steak、意大利饭、饮品选择亦不少。我们点了一个小食拼盘，有鸡翼、炸虾、沙津同薯角，全部也好好味，尤其系鸡翼，非常入味，炸得够香又唔油腻。接著要了一个香草大虾薄饼，薄饼很脆，薄薄的不会令你太饱，大虾很大只，非常足料，十级好味！超超超正既pizza,真系一试难忘。重有意大利肠肉野菌意粉，又是很足料，d肉肠很多，但意粉如可以软身少少我会更钟意。意粉d配菜都好好味呀！最精彩既当然系西班牙乳猪，我这个乳猪控，无论中、西式都好钟意食，今次这个皮薄得来好脆，肉肥瘦适中，食落去甘香美味，真系好食到不得了。乳猪底重有薯蓉同埋红菜头丝伴碟，食完油油地嘅乳猪，再食伴菜，即刻平衡晒，非常好嘅配搭。差d忘记介绍左点菜后送上既香草餐包，餐包配上橄榄油，很不错！今次叫了Shirley Temple，这个饮品以前去卡拉ok成日饮，今日再饮返，回味到以前快乐既时光餐厅播放著流行的英文歌曲，舒服既环境配上美食，人生一大享受，有机会一定再来。