影片
更多
2016-09-13
1765 浏览
去左河畔几日捉比卡超, 贪方便是但拣间有人食既铺就冲入去谂住快食快闪, 幸运地拣中呢间好味又抵食既金满都~呢间好好生意, 行过都有人等位, 次次入去都好FULL, 但老板见有客入去, 就算食紧饭都会帮客人揾个位出黎, 所以都唔洗等。平日晚餐SET只需要$4X-6X, 2次去都唔同MEUN唔怕会食厌, 因为捉得太夜超肚饿, 除餐外仲另加左个春卷, 就系咁, 一试爱上。鸡扒汤河, 鸡扒好大块, 肯定足一只鸡脾, 外面好多都只有一半份量。虽然已放汤, 但鸡扒食既时候个皮仲系脆架, 又腌得够入味。左为加$5 既是日特饮, 好大杯, 红豆冰好似用左成罐椰汁咁, 超重手, 岩哂爱椰人士。为食加左个春卷, 黎到个下睇样觉得好似麻麻地, 点知炸得非常脆, 入面既料唔记得系咩, 不过都几多, 唔知系咪正宗, 好食就够啦!但可能少人另外叫多客, 明显系即炸, 有D油第2晚去有得食扎肉春捞檬, 唔洗另叫都有春卷食!YEAH!今次个春卷就无咁油啦, 但依然脆。另介绍个特饮好似叫绿豆冰, 非常好饮。佢将D绿桩碎左, 入落好有绿豆香味, 再加西米, 比红豆冰出色。星期六打完波念念不忘, 由沙田都要行去食个LUNC
平日晚餐SET只需要$4X-6X, 2次去都唔同MEUN唔怕会食厌, 因为捉得太夜超肚饿, 除餐外仲另加左个春卷, 就系咁, 一试爱上。
鸡扒汤河, 鸡扒好大块, 肯定足一只鸡脾, 外面好多都只有一半份量。虽然已放汤, 但鸡扒食既时候个皮仲系脆架, 又腌得够入味。左为加$5 既是日特饮, 好大杯, 红豆冰好似用左成罐椰汁咁, 超重手, 岩哂爱椰人士。
为食加左个春卷, 黎到个下睇样觉得好似麻麻地, 点知炸得非常脆, 入面既料唔记得系咩, 不过都几多, 唔知系咪正宗, 好食就够啦!但可能少人另外叫多客, 明显系即炸, 有D油
第2晚去有得食扎肉春捞檬, 唔洗另叫都有春卷食!YEAH!
今次个春卷就无咁油啦, 但依然脆。另介绍个特饮好似叫绿豆冰, 非常好饮。佢将D绿桩碎左, 入落好有绿豆香味, 再加西米, 比红豆冰出色。星期六打完波念念不忘, 由沙田都要行去食个LUNCH, 今次见得影低个MEUN
同春卷好有缘, 决定要扎肉丝并春卷捞檬, 札用同檬粉既比例接近1比1, 足料到吓亲。春卷仍然好食, 哈哈。
呢度已经成为我快食快闪餐厅类既最爱, 得闲又会再去下~P.S. 无加一
张贴
